Ուշագրավ․ Քոչարյանն ու Փաշինյանը կրկին հանդիպել են

NEWSPRESS.am-ի տեղեկություններով՝ օրերս հերթական գաղտնի հանդիպումն է տեղի ունեցել ՀՀ երկրորդ նախագահ Ռոբերտ Քոչարյանի և ՀՀ վարչապետ Նիկոլ Փաշինյանի միջև։

Մեր աղբյուրի փոխանցմամբ՝ հանդիպումը տեղի է ունեցել օրեր առաջ՝ ուշ երեկոյան, Քոչարյան ընտանիքին պատկանող «Կոնգրես» հյուրանոցում։ 

Ըստ աղբյուրի՝ Նիկոլ Փաշինյանը և փոխվարչապետ Սուրեն Պապիկյանը միասին են գնացել հանդիպման։ Նրանց «Կոնգրես»-ում դիմավորել է Քոչարյանի որդին՝ Լևոն Քոչարյանը։

Ավելի վաղ հայտնել էինք Քոչարյան-Փաշինյան մեկ այլ հանդիպման մասին, որը տեղի էր ունեցել քաղաքից դուրս։

Թե ինչու են նրանք սկսել հաճախակի հանդիպել, թերևս կարելի է գուշակել, հատկապես որ, օրինակ, Մարտի 1-ի գործով դատավարությունը, ըստ էության, ոչ թե մեղադրում է սպանությունների մեջ, այլ Քոչարյանի վրայից մաքրում է մարտիմեկյան զոհերի արյունը։

Մնում է հասկանալ, թե ինչ ֆունկցիա էր վերցրել իր վրա Սուրեն Պապիկյանն այդ հանդիպման ժամանակ, քանի որ ասում են, որքան վկաներ, այնքան վատ, իսկ հատկապես այս հանդիպման ընթացքում հաստատ երրորդն ավելորդ է։