Կրիշտիանուին նկարագրելու համար բավականաչափ բառեր չկան․ Սուլշեր
«Մանչեսթեր Յունայթեդ»-ի գլխավոր մարզիչ Օլե Գունար Սուլշերը խոսել է Կրիշտիանու Ռոնալդուի հետ պայմանագիր կնքելու մասին:
«Կրիշտիանուին նկարագրելու համար բավականաչափ բառեր չկան: Նա ոչ միայն ականավոր խաղացող է, նա նաև զարմանալի անձնավորություն է: Երբ մարդն այսքան երկար ժամանակ ունի բարձր մակարդակի վրա խաղալու ցանկություն և կարողություն, դու պետք է առանձնահատուկ լինես: Ես կասկած չունեմ, որ նա կշարունակի տպավորել մեզ բոլորիս, և որ նրա փորձը շատ կարևոր կլինի թիմի երիտասարդ խաղացողների համար: Ռոնալդուի վերադարձը ցույց է տալիս նաև ակումբի յուրահատուկ մոտեցումը:
Ես շատ ուրախ եմ, որ նա վերադարձավ տուն, որտեղից ամեն ինչ սկսվեց»,-ասել է Սուլշերը: