Սյունիքի Տեղ համայնքում գիշերը անհանգիստ է եղել. 2-ից 5-ը ադրբեջանցիները անկանոն կրակահերթ էին արձակում. Ներսես Շադունց
Տեղ վարչական շրջանի բնակավայրի հատվածներում՝ Արավուս և Խնածախ բնակավայրերին մոտ հատվածներում գիշերն անհանգիստ է եղել։ Այստեղ ևս ՝ ինչպես Արարատի մարզի Երասխի և Գեղարքունիքի Կութ համայնքներում կրակոցներ են հնչել։
«Մի քիչ անհանգիստ է եղել մեր մոտ։ Մեր որոշ բնակավայրերի հատվածներում էլ որոշակի կրակոցներ են եղել՝ ոչ դիպուկ, ոչ նշանառու կրակահերթեր են հնչել՝ դեպի օդ, անկանոն։ Մեր տղաների համապատասխան գործողությունների արդյունքում լռեցվել են կրակոցները»,-
«Փաստինֆո»-ի հետ զրույցում ասաց Տեղ համայնքի ղեկավարը։
Ներսես Շադունցը վստահեցնում է, որ այս պահին իրավիճակը հանգիստ է, կրակոցներ չկան, միջադեպ չի գրանցվել։ Կրակոցներն էլ լսվել են մոտ 2,5 ժամ։
«Մի քանի կրակոց է եղել՝ պարբերաբար։ 2.30-ի մինչև ժամը 5-ի սահմաններում։ Նախկինում նման դեպեր չեն եղել։ Երևի խրախճանքների մեջ էին, խմել, գոռգոռում, երաժշտություն էին լսում ու կրակում՝ չգիտեմ»,- ասաց համայնքի ղեկավարը։