Յոթը (7-ը) ազդարարում է՝ եզրափակում, հանգիստ և սկիզբ. 7-րդ գումարման ԱԺ-ն ավարտեց իր աշխատանքը` թույլ տալով հայրենիքի բռնազավթում և ցեղասպանություն
Յոթերորդ (7-րդ) գումարման Ազգային ժողովը ցրվեց: Յոթ (7) թիվը կարևոր նշանակություն ունի չափման, գնահատման և իմաստավորման համար: Հայոց այբուբենի տառերից յոթ (7) թվին համապատասխանում է՝ Է տառը: Է տառը հայոց լեզվամտածողության մեջ ունի հրամայական, եզրափակիչ և որոշիչ իմաստներ: Ծիածանը յոթ (7) գույն ունի, երաժշտական նոտաները յոթն (7-ն) են, մենք տեսնում և լսում ենք յոթ (7) ելակետերի հիման վրա: Յոթը (7-ը) կատարելության թիվն է, այն ազդարարում է՝ եզրափակում, հանգիստ և սկիզբ:
Աշխարհի արարումը յոթ (7) օր է տևել: Մարդկության երկնային կյանքի առօրյան` շաբաթվա օրերը, կազմում է յոթ (7) օր: Աստված հանգստացավ Աշխարհը ստեղծելու իր բոլոր գործերից, այսինքն՝ դադարեց արարչագործել յոթերորդ (7-րդ) օրը: Աստծո հանգստյան օրը աշխատող մարդու համար հանգստյան և աշխատանքի առաջին օրն է: Մարդկությունը ճանաչում է մահացու յոթ (7) մեղք: Այդ մեղքերն են` հպարտություն, նախանձ, որկրամոլություն, սեռական կիրք, անտեղի բարկություն, ագահություն և ծուլություն:
Արդեն լուծարված այս յոթերորդ (7-րդ) գումարման Ազգային ժողովը արտացոլում էր.
Զզվելի հպարտություն՝ սեփական անձի մասին ուռճացված, գերագնահատված և ոչ իրական գնահատական։
Զզվելի նախանձ՝ այլ անձանց հաջողության, առաքինությունների և տաղանդների նկատմամբ։
Որկրամոլություն՝ ուտելու կամ խմելու անսանձ ցանկություն։
Կիրք՝ ամուսնության սահմաններից դուրս, մեկ ուրիշի հետ սեռական հարաբերության կամ այլ սեռական հաճույքների վրա կենտրոնացում։
Բարկություն՝ վրեժխնդրության ու պատժի անտեղի և անսանձ ցանկություն։
Ագահություն՝ ունեցվածքի և հատկապես այլոց պատկանող գույքը ունենալուն մղված խիստ ցանկություն։
Ծուլություն՝ անհրաժեշտ գործը կատարելու փոխարեն, անգործության դրսևորում և ջանքի գործադրման բացակայություն:
Արդի ՀԱՅԿԱԿԱՆ ՊԵՏԱԿԱՆՈՒԹՅԱՆ 30-ամյա թվով յոթերորդ (7-րդ) գումարման խորհրդարանն ավարտեց իր աշխատանքը թույլ տալով ՀԱՅՐԵՆԻՔԻ բռնազավթում և ցեղասպանություն: Արարչական գործի փոխարեն կատարեց սատանայի գործ:
Մեզ անհրաժեշտ Է նոր սկիզբ, երբ իրողություն Է` Շուշին կրկին ազատագրված Է, Կարսը հայկական Է, Կարինը հայկական Է, Կոնստանդնուպոլիսը Թուրքիա չԷ, Հայկական նավատորմը Կասպից ծովում Է:
Զարուհի Փոստանջյան
Փաստաբան, «Երկիր Ծիրանի» կուսակցության նախագահ