Դեռևս 8 ամիս առաջ է պլանավորվել «Boeing 737» օդանավը վաճառել իրանական «Caspian Airlines»-ին․ Նավիկ Խաչատրյան
Ավիացիոն խորհրդատու Նավիկ Խաչատրյանը ֆեյսբուքյան իր էջում գրել է.
«3-րդ գրառումս «EK-FAA B737-300»-ի մասին։ Օդանավի սեփականատերը Լիտվական «Magnetic Leasing» վարձատուն է, օդանավը վարձակալությամբ տրվել է «Fly Armenia»-ին անցած տարվա ամռանը, մեր ՔԱԿ-ը այն գրանցել է այս տարվա հունվարին։
Օդանավը փետրվարի կեսին դատարկ չվերթով ուղղևորվել է Տալլին`տեխնիկական սպասարկման, հետո Վառնա`նույնպես տեխսպասարկման, հետո Շարջա նույնպես տեխսպասարկման` այս վերջին չվերթի վերջում օդաչուները «emergency landing» են ուզել Թեհրանի օդանավակայանի վերգետնյա ծառայություններից և իջել Թեհրան` 21/02/2021-ին։
Ըստ իմ աղբյուրի՝ օդանավը դեռևս 8 ամիս առաջ պլանավորվել է, որ վաճառվի իրանական «Caspian Airlines»-ին։ Գործարքի միջնորդը եղել է նույնպես իրանական «Khors Air» ավիաընկերությունը։
Կա տեղեկատվություն (ես դեռ ինքս չեմ ճշտել), որ «Fly Armenia»-ին պատկանող մյուս բոինգը EK-FAB գրանցման համարանիշով անցած տարվա դեկտեմբերի 2-ից նույնպես գտնվում է Թեհրանում։
Ինչ ասեմ…մի հրաշք վերահսկողություն ոլորտի ղեկավար ՀՀ ՔԱԿ-ի կողմից…
Չնայած`ինչ եմ կորցրել` ինչ եմ ման գալիս…»,-գրել է Խաչատրանը: