«Մի հատ էլ սենց անմակարդակ բան գրես, ձեռիցս չես պրծնի». Շիշ բռնողը սպառնում է ընդդիմադիր ակտիվիստին (ֆոտո)
Քաղաքացիական ակտիվիստ Տիգրան Մազմանյանը ֆեյսբուքյան իր էջում սքրինշոթ է հրապարակել, որում երևում է նրա երկխոսությունն ինչ-որ մեկի հետ, որտեղ Մազմանյանն իր զրուցակցին ուղարկել է այս օրերին հայտնի դարձած «Գագիկ Սողոմոնյան» ֆեյք էջի լուսանկարն ու դժգոհել, որ ո′չ ոստիկանությունը, ո′չ ԱԱԾ-ն չեն զբաղվում այդ էջով: Նրա անհայտ զրուցակիցը պատասխանել է. «Ես լծակ չունեմ ախպերս»:
Հրապարակած սքրինշոթին կից Մազմանյանը գրել է.
«Էս հարցով մոտ մեկ տարի առաջ դիմել էի ԱԺ պատգամավորներից մեկին։
Իսկ հիմա լծակներ կան փաստորեն։ Հիմա ինչ էլ անի կամ ասի, էդ քիչ ա ձեզ»,- գրել է ակտիվիստը։
Եվս մեկ անգամ շեշտենք, որ Մազմանյանը չի նշել, թե մասնավորապես որ պատգամավորի մասին է խոսքը: Սակայն, հրապարակման մեկնաբանություններում հայտնվել է սկանդալներով աչքի ընկնող Հայկ Սարգսյանը՝ Շիշ բռնող մականունով, և սպառնալիք հնչեցրել նրա հասցեին՝ այդպիսով, փաստորեն, բացահայտելով այն, որ հենց ինքն է եղել, որ շուրջ մեկ տարի առաջ հրաժարվել է «Գագիկ Սողոմոնյան» ֆեյքով զբաղվելուց:
«Լսի այ անինքնասեր բոլոր չափերդ վաղուց անցել էս, մի հատ էլ սենց անմակարդակ բան գրես ձեռիցս չես պրծնի»,- գրել է Սարգսյանը:
Սա, փաստորեն, հրապարակային կերպով հնչեցված սպառնալիք է, որին պետք է հետևի իրավապահների արագ արձագանքը: