ԱԱԾ-ն անցել է իր բեմադրած էժանագին շոուի գեղարվեստական մասին՝ ֆիլմ նկարելուն. Հրանտ Մելիք-Շահնազարյան
ԱԱԾ-ն անցել է իր բեմադրած էժանագին շոուի գեղարվեստական մասին ապահովմանը՝ ֆիլմ նկարելուն։ Այս մասին ֆեյսբուքյան իր էջում գրել է քաղաքագետ Հրանտ Մելիք-Շահնազարյանը:
Նա, մասնավորապես, նշել է. «Նախօրեին ձերբակալված Մհեր Ավագյանի փաստաբան Միքայել Շխիմյանը տեղեկացրել է, որ իր վստահորդին իր իսկ ներկայությամբ գետնին տապալեցին և տեսաձայնագրեցին։ Եվ այդ ամենը ԱԱԾ շենքում…
Դավաճան իշխանությունների այս գործելաոճը, կարծում եմ, իրենց իսկ ստորության լավագույն բնութագրիչն է։ Վստահ եմ՝ Հ1-ի ողջ «բոհեմը» հիմա լծված է հանրությանը տեսարաններ ապահովելու կեղտոտ գործին։ Դրա համար հենց հիմա ուզում եմ նախազգուշացնել՝ չեք մարսելու, տականքներ։
Ձեր նկարած ամեն մի կադրը տարիներ ու տասնամյակներ շարունակ հետապնդելու է ձեզ ու ձեր սերնդներին։ Դուք կոչվելու եք դավաճանի գործակալներ ու դատապարտվեք հավերժ արհամարհանքի ու ատելության։ Չփորձվեք հանկարծ նման բան անեք։
Իսկ եթե հանկարծ այդ ֆիլմում նկարահանեք նաև իմ ընկերներ Արա Սաղաթելյանին ու Կարեն Բեքարյանին, ապա խոստանում եմ նմանատիպ բազում ֆիլմեր այն լրբերի մասին, ումից ձեզ նման վիժվածքներ են լույս աշխարհ գալիս»: