2020թ.-ին ՀՀ պետական բյուջեից ծախվել է 50 մլն 653 հազար դոլար՝ «COVID-19»-ի դեմ պայքարի համար. «Փաստինֆո»
Կառավարությունը 50 միլիոն 653 հազար դոլարից ավելի գումար է հատկացվել ՀՀ պետական բյուջեից՝ երկրում COVID-19-ի կանխարգելման, բուժման համար։ Այս տվյալը «Փաստինֆո»-ին տրամադրել են ՀՀ առողջապահության նախարարությունից։
«Փաստինֆո»-ն փետրվարի 5-ին հարցում էր ուղարկել նախարարություն՝ պարզելու, թե 2020 թվականին որքան գումար է ծախսվել՝ փորձել էր ճշտել, թե 2020 թվականին կորոնավիրուսի դեմ պայքարում որքա՞ն գումար է ծախսվել կորոնավիրուսի դեմ պայքարի համար։ Ի պատասխան մեր հարցմանը, նախարարությունից հայտնել են, որ 2020 թվականի պետական բյուջեի «Հայաստանի Հանրապետության կորոնավիրուսային վարակի կանխարգելման, վարակման, բուժման և այլ համալիր միջոցառումների իրականացում» միջոցառման շրջանակներում ծախսվել է 26,491,923,9 հազ. դրամ, ինչը համարժեք է ավելի քան 50 միլիոն դոլարին Ընդգծենք, որ Առողջապահության նախարարությունը տրամադրել է միայն պետական բյուջեից կատարված հատկացման վերաբերյալ տվյալը, մինչդեռ հարյուրավոր միլիոն դոլարներ տրամադրվել է միջազգային կառույցների կողմից։
Դեռևս 2020-ի ապրիլի տվյալներով՝ նոր տեսակի կորոնավիրուսի դեմ պայքարի շրջանակներում մեկ տասնյակ պետություններ և միջազգային կազմակերպություններ հայտարարել էին Հայաստանին շուրջ 150 մլն դոլարի օգնություն ցուցաբերելու մասին։
890 մլն դրամ էլ կառավարությունը հավելյալ ծախսել է՝ ՀՀ-ում COVID-19-ի կանխարգելմանն ուղղված պատվաստանյութի ձեռքբերման միջոցառումների համար, սակայն պատվաստանյութ դեռևս ձեռք չի բերել։
Մանրամասները՝ սկզբնաղբյուրում: