«Ասել եմ, եթե պետք ա՝ ասա գամ միկրոֆոնով խոսամ․․․»․ «լա՛վ-լա՛վ․․․»․ Փաշինյանի ու քաղաքացիների հանդիպումը փնթի կազմակերպված խաղ էր (ֆոտո, վիդեո)

Նիկոլ Փաշինյանի ու քաղաքացիների հանդիպումների ժամանակ, Փաշինյանի համար անցանկալի որոշ դրվագներից հետո, վերջինս որոշել է իր հանդիպումները բեմականացնել քաղաքացիների հետ։

Այդպես նրա առաջ «որդեկորույս մայրը» չոքում է, մի ուրիշ կին խորհուրդ է տալիս Նիկոլի ոտքերը լվալ ու ջուրը խմել, մեկ այլ քաղաքացի էլ պնդում է, որ Նիկոլը կապիտուլիացիայի թուղթ չի ստորագրել․․․

Երեկ՝ փետրվարի 3-ին էլ նրա հերթական հանդիպումը կատարյալ բեմադրություն էր։ Աելի ճիշտ այն կատարյալ կլիներ, եթե նախապես պայմանավորվածությունները տեսանյութի ժամանակ չբացահայտվեին։

Այսպես․․․

Նախ նկատենք, որ Նիկոլի երբեմնի երկրպագուներից, 2 ձեռքի վրա հաշված մարդիկ էին եկել նրան հանդիպելու։ Երևի այդ էր պատճառը, որ նրանցից մի քանիսը ստիպված էր խաղալ մի քանի «էպիզոդում»։

Շատ հնարավոր է նաև, որ անցանկալի բացականչություններ կողքից եղել են, սակայն, քանի որ մենք ներկա չենք եղել ու տեսանյութն էլ մոնտաժված էր, ուստի ենթադրություններից զերծ կմնանք։

Փաստն այն է, որ անգամ մոնտաժված տեսանյութում կան ակնհայտ տեսարաններ, որտեղ որոշ դեմքեր կրկնվում են։

Այդպես «պատահական անցորդի դերում», հայտնված մեկը, նախ Փաշինյանին դիմովորեց փողոցում, հետո կախարդական փայտիկի օգնությամբ հայտնվեց Փաշինյանի մռած խանությում, որի վաճառողն էր ինը։

Այդպես եղավ նաև քաղաքացիներից մեկւ հետ, ում 2 անգամ էին ուղարկել Փաշինյանին բարևելու։ Նախ նա մոտենում է ու բարևում Նիկոլին, այուհետև կադրում երևում է, որ նա հերթ կանգած սպասում է, թե երբ է Փաշինյանն իրեն մոտենալու՝ բարևելու համար։

Ի դեպ վերջինս Փաշինյանին հորդորեց փակել Arm.news-ը․․․

Այս տեսարանի հետ կապված ավելորդ է նկարագրել, թե ինչպես արձագանքեց լրատվականի փակման առաջարկին՝ մասնագիտությամբ լրագրող կամ գոնե մի ժամանակ լրագրող աշխատած ու լրատվական կայք ու թերթ ունեցող Փաշինյանը․․․

Նա պարզապես ասաց․ «Էհ, դո՛ւք պետք է փակեք, փոխեք ալիքը, մի նայեք․․․» ու մտավ խանութ։

Հետաքրքիր է, ինչպես կվարվեր լրագրող Նիկոլ Փաշինյանը, եթե որևէ մի ղեկավար, իր նման հայտարարեր, որ պետք է փակել «Հայկական ժամանակ» թերթը կամ armtims.com-ը․․․ 

Հաստատ հանգիստ չէր նստի ու կբարձրաձայներ, որ տվյալ ղեկավարը փակում է ԶԼՄ-ների ազատությունը, ոտնահարում լրագրողների իրավունքներն ու ընդդիմանում ազատ խոսքի դեմ․․․

Բայց հիմա իր ժամանակներն են, նա իր համախոհների ու «դրածո» քաղաքացիների հետ է և ասում ու անում է այն, ինչ մտքով անցնի․․․ ու դեռ կարողանում է մոնիպուլիացիայի ենթարկել հասարակության մի որոշ խավի։

Ինչ վերաբերվում է մեկ այլ դրվագի, ապա այստեղ քաղաքացին նրան մոտեցավ ողջույնի խոսքով ու ասաց․ «ով քեզ թշնամի ու դավաճան է ասում՝ ինքն է դավաճան»․․․

Հավանաբար այդ տարեց մարդու դրվագն այս տեքստով էլ պետ է ավարտվեր, բայց նա տեսնելով, որ դիմացից տեսախցիկը հեռացավ, ու չհասկանալով, որ դեռ ձայնագրվում է, կարծես քթի տակ՝ ասաց․

«Մի հատ ինչի՞ չեք բան անում, ասել եմ՝ եթե պետք ա, գնամ էնտեղ միկրոֆոնով խոսամ»․․․

Նա էլի ինչ-որ բաներ քրթմնջաց, բայց Փաշինյանն ու մյուսները նրան արագ լռեցրեցին․ «Լավ, լավ․․․ առիթ կլինի, առիթներին․․․»։

Փաստացի, տղամարդը մատնեց, որ նախապես պայմանավորվածություն կար․․․

Հետո Փաշինյանի ձեռքը բռնեց մի զինծառայող ու խնդրեց․ «մեզ մենակ չթողնեք․․․»․․․

Իհարկե այս մարդիկ ու նրա հետ հանդիպման գնացածները սովորական քաղաքացիներ են, ովքեր ստանձնել են որոշակի դեր ու խաղում են, բայց նրանց իրենց փնթի խաղի համար ոչինչ չենք կարող ասել․․․

Այ, եթե նրանք լինին սկսնակ դերասաններ, ովքեր փորձում են համոզել ռեժիսորին՝ իրենց խաղով, վստահաբար կարող ենք արձանագրել, որ ռեսիորից նրանք կստանային մի պատասխան․ «չհամոզեցիք․․ խաղը համոզիչ չէր․․․»․․․