Բիզնես շա՞հ, թե՞ «բարդակ». Հայաստանից անարգել ՌԴ մեկնած քաղաքացին Մոսկվայի օդանավակայանից ստիպված է եղել սեփական միջոցներով հետ վերադառնալ
NEWSPRESS.am-ի տեղեկություններով՝ օրերս Մոսկվայի օդանավակայանում, հայ ազգի ուղևորը տհաճ պատմության մեջ է հայտնվել: Հայաստանից, առանց որևէ խոչընդոտի տոմս գնելով և կորոնավիրուսի համար պահանջվող թեստ հանձնելով, նա բացասական թեստը ձեռքին՝ մեկնել է Մոսկվա:
Սակայն հենց օդանավակայանում նրան արգելել են առաջ գնալ՝ առանց որևէ բացատրության: Հայ ուղևորը ներկայացրել է իր բացասական թեստի փաստաթուղթը, սակայն նրան պատասխանել են. «Արգելված է մուտք գործել և վերջ»:
Տղամարդուն մեկուսացրել են և թույլ չեն տվել նրան այցելի նույնիսկ որդին, որը եկել է դիմավորելու հորը: Հայրը և որդին հարցրել են օդանավակայանի աշխատակիցներին, թե՝ եթե ՌԴ մուտքն արգելված է, ապա ինչո՞ւ են Հայաստանում տոմսը վաճառել, կամ ի՞նչ խնդիր կարող է առաջանալ, եթե տղամարդը ձեռքին ունի բացասական պատասխանով թեստ, սակայն նրանց տվել են միևնույն պատասխանը՝ Հայաստանից ՌԴ մուտքն արգելված է:
Աշխատակիցները նույնիսկ թույլ չեն տվել որդուն սնունդ փոխանցել հորը՝ պատճառաբանելով, թե հնարավոր է սննդի մեջ ինչ-որ նյութեր լինեն: Մեկուսացված քաղաքացին հրաժարվել է օդանավակայանի աշխատակիցների կողմից իրեն առաջարկված սննդից՝ վախենալով, որ կատարավածի մեջ մի բան այնպես չէ:
Ի վերջո, քաղցած ու հոգնած քաղաքացուն հաջողվել է իր գումարով հետադարձ տոմս ձեռք բերել ու 3 օր անց վերադառնալ Հայաստան:
Հարկ է նկատել, որ նրան, իր կրած վնասի համար, ոչ ոք չի փոխհատուցել:
Այստեղ իհարկե առաջանում են բազում հարցեր...
Ինչպե՞ս է տղամարդը Հայստանում անցել սահմանը, եթե դա արգաելված է եղել...
Ինչո՞ւ են նրան տոմս վաճառել, եթե նա իրավունք չուներ մեկնելու Մոսկվա...
Ինչո՞ւ չի վերահսկվում տոմսերի վաճառքը...
Ինչո՞ւ են աչք փակում տոմսեր վաճառող ընկերությունների անօրինական գործունեության վրա... և ո՞վ է պատասխան տալու՝ ոչ քաղաքացու մեղքով ավելորդ ծախսված գումարի ու Հայաստանի օդանավակայանում տիրող «բարդակի» համար...