Շուշիի հանձնումն ինձ հիշեցնում է Շահումյանի հանձնումը, դիրքերը հանձնված չէին, բայց Շահումյանն արդեն հանձնած էր. փախստական (տեսանյութ)
Երբ ասում ենք փախստական, այդ բառն արդեն իսկ խոսում է բոլոր խնդիրների մասրն։ Այսօր` հունվարի 25֊ին, լրագրողների հետ հանդիպման ժամանակ ասաց Շուշիի արդեն նախկին քաղաքապետ Արծվիկ Սարգսյանը։
Նրա գնահատմամբ, Արցախի բնակչությունն անսպասելիորեն ընկել է խնդիրների մեջ։
«Մարդիկ թողել են տուն֊տեղ և այն ամենը, ինչ ունեցել են և իրենց հագի շորերով դուրս եկել` մտածելով, որ մի քանի օրից հետ են վերաառնալու»,-ասաց Արծվիկ Սարգսյանը։
Ասուլիսի մյուս մասնակից փախստական Լիանա Մինասյանն էլ նկատեց, որ Շուշիի հանձնումը իրեն հիշեցնում է Շահումյանի հանձնման մասին։
«Երբ ադրբեջանցիներին հանձնեցին Շահումյանը, մեր ֆիդայիները դեռ դիրքերում էին։ Մեր դիրքերը հանձնված չէին, բայց Շահումյանն արդեն հանձնած էր։ Այդ իսկ իրավիճակն այժմ կրկնվեց Շուշիում»,-ասաց Լիանա Մինասյանը։
Նրա համար անհասկանալի է՝ ինչպե՞ս կարող էին Արցախի կենտրոնում՝ Շուշիում, հայտնվել ադրբեջանցիները՝ հաշվի առնելով նաև նրանց չկռվող, վախկոտ բնավորությունը։ Մանավանդ որ, ոչ մի շուշեցի չի հանձնվել․ այս հանելուկը, նրա գնահատմամբ, դեռ երկար կմնա։