Մի «дармоед» խաթարել է իր երկրի անդորրը. Ռուսաստանը դատապարտված է լինել կայսրություն` ավտորիտար իշխանությամբ. քաղաքագետ
Մի «дармоед» և մուտիլովչիկ, ով կեղծ թունավորվածի տեսք էր ընդունել, ում որ Բեռլինում կառավարական շքախմբով ընդունեցին «բուժեցին» և նույն շքախմբով էլ ճանապարհեցին, այսօր խաթարել է իր երկրի անդորրը։ Այդ մասին ֆեյսբուքյան իր էջում գրել է քաղաքագետ Գարիկ Քեռյանը։
«Արևմուտքը չի հանգստանում։
Հակառուսիզմը դարձել է ոչ միայն քաղաքականություն, այլև մտածողոթյուն, կենցաղ և հոգեվիճակ։ Գունավոր հեղափոխություններ հրահրողներին ընդհանրապես չի հետաքրքրում մարդկանց ճակատագիրն ու ապագան։ Նրանք համոզված են, որ Ռուսաստանի «ժողովրդավարացումը» իր հետ բերելու է տասնյակ միլիոննավոր մարդկանց կործանում, բոլոր առումներով։
Զանգվածները մնալու են փլատակների տակ, ինչպես որ եղավ խորհրդային պետության փլուզումից հետո։ Թերևս փլուզման ամենածանր քարը Հայաստանի գլխին ընկավ, որի տակ ենք մինչև օրս, վերջին պատերազմը վկա։
Ժողովուրդը միշտ էլ սխալվում է։ Այսօր էլ սխալվում են նրանք, ովքեր մասնակցում են Ռուսաստանի քաղաքաներում հակակառավարական ցույցերին։ Ռուսաստանը դատապարտված է լինել կայսրություն, կենտրոնաձիգ, ուժեղ և ավտորիտար իշխանությամբ։ Այլընտրանք չկա։
Հակառակ դեպքում այն փլուզվելու է, դառնալով քաոսի և աղետի կայսրություն»: