Շուշին ադրբեջանակա՞ն, թե՞ հայկական քաղաք է. Անահիտ Ավանեսյանը խուսափեց պատասխանել հարցին (տեսանյութ)
Առողջապահության նորանշանակ նախարար Անահիտ Ավանեսյանն այսօր՝ հունվարի 21-ին, ՀՀ կառավարության նիստից հետո լրագրողների հետ զրույցում չցանկացավ անդրադառնալ հարցին, թե ինչպես է իրեն զգում որպես Կառավարության անդամ, երբ գործադիրի ղեկավարը նախօրեին ԱԺ ամբիոնից սպասարկում էր Ադրբեջանի շահը և ասում, որ Շուշին 90%-ից ավելի ադրբեջանական բնակչությամբ քաղաք է եղել և հիմա մենք ասում ենք, որ Շուշին հայկական քաղաք է։
«Իմ կարծիքով՝ վարչապետը ներկայացնում է Հայաստանի պետական շահը, այսքանով սահմանափակվենք»,- ասաց նորանշանակ նախարար Անահիտ Ավանեսյանը:
Հարցին, թե Շուշին իր համար ադրբեջանակա՞ն քաղաք է, թե՞ ոչ, նախարարը նշեց. «Ես մեկնաբանություններին չեմ պատասխանի: Ես եղել եմ Շուշի հայկական քաղաքում և շատ ջերմ, հուզական, լավ հիշողություններ ունեմ»:
Մանրամասները՝ տեսանյութում: