Պատերազմի հանգամանքները քննելու համար փաստահավաք խումբ ստեղծելու «Լուսավոր Հայաստանի» առաջարկին դեռևս ոչ մեկը չի արձագանքել. «Հրապարակ»
«Հրապարակ» թերթը գրում է.
«Ազգային ժողովի ընդդիմադիր «Լուսավոր Հայաստան» խմբակցությունն օրերս փաստահավաք խումբ ստեղծելու նախագիծ է մշակել՝ նպատակ ունենալով վեր հանել օբյեկտիվ ճշմարտությունը պատերազմի պատճառների և պատերազմում կրած պարտության վերաբերյալ։ Փաստահավաք խմբում ներկայացված կլինեն վերջին խորհրդարանական ընտրություններին մասնակցած և առաջին 6 տեղերը զբաղեցրած քաղաքական ուժերը (3 խորհրդարանական ուժ՝ 4-ական ներկայացուցչով, 3 արտախորհրդարանական ուժ՝ 1-ական ներկայացուցչով), ինչպես նաև Մարդու իրավունքների պաշտպանը, ընդհանուր՝ 16 անդամ։
ԼՀԿ-ն դիմել է ՀՅԴ-ի, ՀՀԿ-ի և «Մենք» դաշինքի ներկայացուցիչներին, ինչպես նաև խորհրդարանական գործընկերներին, որ արձագանքեն։ Սակայն երեկվա դրությամբ դեռ ոչ ոք չէր արձագանքել։ Փաստահավաք խմբի աշխատանքների համար նախատեսվել է մինչև 10 ամիս ժամանակ»,-գրում է թերթը:
Նյութն ամբողջությամբ կարդացեք թերթի այսօրվա համարում: