Փաշինյանը զենք է պահում ժողովրդի վրա. արյան գետեր է սիրտը ուզում
Հազարավոր հայ զինվորիների արյունը թափած, նրանց կյանքից զրկած, իսկ տասնյակ հազարին էլ հաշմանդամ դարձրած Փաշինյան Նիկոլն այսօր՝ Արցախն Ադրբեջանին քաղաքական որոշմամբ հանձնելուց հետո, ժամանել էր Ազգային ժողով՝ պատասխանելու պատգամավորների հարցերին։
Ձեռքերն արնոտ Կառավարության ղեկավարը խորհրդարանում այսօր իրեն զգում էր ինչպես ձուկը ջրում։ Փաշինյանի ոգևորության առիթն իր թևի տակ ծվարած ու նրա կողմից բազմիցս օգտագործված անտեղյակ պատգամավորներին թելադրված հարցերն էին, որոնց նախապես անգիր արած պատասխաններ տալով Փաշինյան Նիկոլը ստեղծում է երկրում իրրավիճակը վերահսկողության տակ պահելու իմիտացիա։
Պետական ողջ համակագը կազմաքանդած մարդն այսօր խորհրդարանում անցկացնում է հերթական հարցուպատասխանը այն տոնով, կարծես ինքը հայրենիք չի ծախել, կարծես հարյուրավոր հայ զինվորների մարմիններն Ադրբեջանին նվիրված հողերի վրա չեն, կարծես կարողացել է Երևանից Բաքու թռչած ինքնաթիռով Հայաստան վերադարձնել մեր գերիներին։
Թվարկածս որևէ խնդիր Արցախն Ադրբեջանին հանձնելուց հետո չի կարողացել կատարել ոչ Փաշինյան Նիկոլը, ոչ էլ Արցախում ժեկի պետ աշխատող Արայիկ Հարությունյանը։
Այս հարցերը շարունակում են մնալ մեզ համար գերկարևոր, իսկ երկրի ներսում քաղաքական կյանքը փոթորկվում է, որովհետև ամեն օր նոր թափ է հավաքում Փաշինյանի հրաժարականի պահանջի համար ձևավորված շարժումը։
Ժողովուրդը պահանջում է Նիկոլ Փաշինյան դավաճանի հեռացումը, ժողովուրդը պահանջում է արնախում ու թուրքի առաջ ծնկած երկրի ղեկավարի օր առաջ հեռացումը, իսկ ի՞նչ է անում այդ ղեկավարը ի պատասխան՝ դուխով ժողովրդի մեջ է մտնում, բայց ոչ թե միայնակ, որովհետև գիտի, որ քարկոծելով նրան կհեռացնեն, այլ զինված մարդկանցով։
Փաշինյանը շրջում է զինված հրոսակներով, որոնք, զենք են պահում ժողովրդի վրա այնպես, ինչպես կպահեին օրինակ սահմանին Ադրբեջանի դեմ։
Փաշինյանը զենք է պահում ժողովրդի վրա, որովհետև սովոր է մարտի մեկի օրինակով երկրի ներսում քաղաքացիական պատերազմներ հրահրել ու հայի արյուն թափել։ Ու այս եղանակով դեռ որքան է կարողանալու իր ավտոշարասյան հաշվին քարշ տալ իր դավաճան գոյությունը, իհարկե, շատ կարճ։
Փաշինյան Նիկոլի քաղաքական օրերը հաշված են ու որքան էլ նա Ազգային ժողովի ամբիոնից հոխորտա, թե ինքը ժողովրդի ընտրյալն է, միևնույնն է ժողովուրդը մերժում է նրան որպես հայրենիք ծախած դավաճանի, հետևաբար Փաշինյանին վարչապետի աթոռի միջև կապն անդառնալիորեն է խզված ու այն չեն կորող վերականգնել ոչ զինված հրոսակները, ոչ ժողովրդի դեմ ուղղված զենքը։
NewsPress.am