Քերոբյանը մի ելք ունի թշնամու դեմ չկզելու համար. դառը իրականությունը պետք է ստիպեր նրան մի փոքր իրատեսական լիներ
Menu.am-ի համահիմնադրից Էկոնոմիկայի նախարար դարձած Վահան Քերոբյանը շարունակում է աչքի ընկնել իր նորարարական մոտեցումներով։
Հավանաբար նորանշանակ նախարարի համար նորարարությամբ մամուլը ցնցել առավել կարևոր է քան գործ անելը։
Քերոբյան Վահանը նախ հայտարարում է, որ պլանավորում է այնպիսի նախարար դառնալ, որը Հայաստանի տնտեսությունը կբերի այն մակադակի, որ մենք կարող ենք արձանագրված ցուցանիշներով ոչ միայն հասնել Ադրբեջանի տնտեսությանը, այլ նաև անցնել։
Նախարարը սա ասել է, բայց հաշվարկե՞լ է, որ Ադրբեջանը մի պետություն է, որը երեք անգամ Հայաստանից շատ բնակչություն ունի և այդքան անգամ էլ հզոր տնտեսությունը։
Քերոբյան Վահանն ինչպե՞ս է պատկերացնում Ադրբեջանի տնտեսությանն անցնելը, երբ նրան նախարար նշանակած անձի միանձնյա որոշմամբ Հայաստանը սնող ճանապարհները էլ ավելի են նեղացել ու տվել Ադբեջանին։
Հետաքրքիր է՝ Քերոբյան Վահանը հույսն ինչի՞ վրա է դրել այդպես մեծ-մեծ խոսելու պահին, մոռացե՞լ է, որ Հայաստանի խոշոր հարկատու Սոթքի ոսկու հանքն էլ իրեն նախարար նշանակած անձը նվիրեց Ադրբեջանին։
Ավելին՝ Քերոբյանը մոռացել է, որ այդպես հաղթական էլ մեզ ստում էին 44 օր շարունակ, թե հաղթել ենք Ադրբեջանին, այնինչ իրականում ջախջախիչ պարտություն կրեցինք իր տնտեսական հետևանքներով։
Այս դառը իրականությունը պետք է ստիպեր նախարարին իր տեսլականներում մի փոքր իրատսեական լիներ, որովհետև ով ով, բայց հայ հասարակությունը արդեն 2 տարի 7 ամիս է՝ ճաշակում է էժանագի պոպուլիզմի կործանարար հետևանքները։
Ինչ խոսք՝ իրատեսությանը մոտ կլիներ մեր նանախարրի երևակայությունը, եթե նա չկրկներ իրեն նշանակած դավաճանին ու պետությունը կառուցելու համար հույս դներ կադրերի ունակությունների, գիտելիքների, փորձ ու աշխարհի հետ հարաբերվելու շնորհքի վրա։
Քերոբյան Վահանը կարող էր Հայաստանի տնտեսությունը գոնե նախապատրաստել թռիչքային աճ ասվածին, որին այդպես էլ կարոտ մնացինք, սակայն դրա համար նախարարը պետք է առաջնորդվի ճիշտ մարդիկ, ճիշտ աշխատանք տրամաբանությամբ ու ձևավորի տեխնոկրատների թիմ, բայց արի ու տես, որ Քերոբյան Վահանի համար կարևորը աշխատողի քաղաքական հայացնք է՝ այսինքն կարելի է ՔՊ-ական լինել ու դառնալ Քերոբյանի տեղակալ՝ հոգ չէ, որ տգետ ես ուն անբան։
Այս մոտեցումը կործանարար է, այս պատերազմում կործանարար եղավ Փաշինյան Նիկոլի քաղաքական հայացքներից կառչած մնալը, երբ նա իրեն քննադատող ու իր քաղաքական գիծն անընդունելի համարող բայց փորձառու գեներալին հեռացրեց մարտադաշտից ու արդյունքում Փաշինյանը կզեց Ալիևի առաջ, այնպես որ եթե Քերոբյան Վահանն էլ չի ցանկանում թշնամու առաջ կզել Փաշինյանի պես, ապա պետք է շատ աագ մոռանա քաղաքական հայացքի անհրաժեշտությունն ու լծվի տնտեսությունը փրկելու գործին՝ նախկինների, ներկաների անգամ ապագների հետ։