Ղալումյան Վահեին տվեք ամիսներով որդու դիակը փնտրող ծնողի ձեռքն ու քաշվեք մի կողմ
Հայաստանում պետական կառավարման համակարգը կաթվածահար է եղել, ադրբեջանցիներն անարգել հատում են հայկական սահմանը, Սյունիքի մարզի Կոռնիձոր համայնքը երեք կողմից շրջափակված թերակղզի է դարձել, հայ մորթող ադրբեջանցին հայկական գյուղից գտնվում է ընդամենը 300-400 մետր հեռավորության վրա, պատերազմի ավարտից 20 և ավելի օր անց էլ գոնե մեկ գերի չի վերադարձվել, փոխարենը՝ Արցախն ու Հայաստանից մի կտոր նվիրվել է Ադրբեջանին։
Այս ամենն իրագործած իշխանությունը կարծում է, որ չի արել մի բան, որի համար պետք է հրաժարական տա։
Իշխանական պատգամավորները մեկը-մեկի հետևից կրկնում են Փաշինյանի թեզերը, որոնք վաղուց իրենց սպառել են։
Ողբեգական է, որ ոչ միայն Փաշինյանն է աթոռը գերադասում պետությունից, այլ նաև նրա թևի տակ ծվարած պատգամավորները։
Մարդիկ, որոնք դեմքի անհաղորդ արտահայտությամբ շարունակում են շրջել Ազգային ժողովի միջանցնքերում ու կրկնել, թե չեն արել մի բան, որի համար պետք է հեռանան ու հարց է առաջանում՝ հազարավոր զինվորիների արյունը թափելը, տասնյակ հազարին հաշմանդամ դաձնելը, 100 հազարին տնավեր անելը, ազատագրված տարածքները առանց կրակոցի Ադրբեջանին տալը հիմք չէ՞, որ գնաք, որ ապրենք, իսկ էլ ի՞նչ պետք է անեիք, իսկ դավաճանությունը պոզով-պոչո՞վ է լինելու, լավ արժանապատվության գրամն ի՞նչ է որ չունեք։
Այսօր Ազգային ժողովի միջանցքում իր անադեկվատ պատասխաններով աչքի զարնեց Փաշինյանի համերկրացին՝ իջևանցի պատգամավոր Վահե Ղալումյանը, որը որպես պատգամավոր թե ինչ է արել, չգիտենք, կարելի է մատների վրա հաշվել, թե քանի օրենսդրական նախաձեռնությամբ է հանդես եկել, փոխարենը անկուշտի պես ստացել աշխատավարձ ու պարգևավճարներ այն մարդկանց վճարած հարկերից, որոնց երեխաների արյամբ Արցախի գծած սահմանը իջևանցի Նիկոլը հանձնեց Ադբեջանին։
Վահե Ղալումյանը զարմացած ու կլորացած աչքերով զարմանում է, թե ինչի՞ մեջ են Նիկոլին մեղադրում, հացնում է՝ էդ ո՞նց դավաճանեց, պնդում՝ հավատում է, որ Հայաստանում չկա մարդ, որը կասի, որ Փաշինյանը դավաճան է։
Վահե Ղալումյանը, ում համար Արցախը ծախելը դավաճանություն չէ, վստահ է, որ հենց իրենք պետք է շարունակեն պաշտոնավարել, ժողողվրդի ընտյալներն են ու պետք է վեց միս դեռ աշխատեն։
Ղալումյանն ասում է, որ պետք է իշխանությունը պահեն, որոշեն հետագա անելիքները, որովհետև երկրին պետք է կայունություն և դա կարող է ապահովել իրենց իշխանությունը։
Վահե Ղալումյանը մոռացել է, որ այս իշխանությունը ապակայունացնող ուժ է, այս իշխանությունը երկրում կայունություն չի կարողացել ապահովել իր իշխանության ողջ շրջանում, հետևաբար, կայունությունն ու այս իշխանությունը իրար հակադվող բաներ են։
Վահե Ղալումյանն իր պատասխանների մեջ այնքան անադեկվատ էր, այնքան կտրված իրականությունից ու այնքան անհաղորդ մարդկանց սիրտը մաշող ցավին, որ ուզում ես միայն մեկ բան անել. Ղալումյան Վահեին տալ ամիսներով որդու դիակը փնտրող ծնողի ձեռքը ու քաշվել մի կողմ։