Հաղթանակի կարմրջից երիտասարդ է նետվել. վերջինս հիվանդանոցում մահացել է
NEWSPRESS.am-ի տեղեկություններով՝ երեկ ինքնասպանություն է տեղի ունեցել Երևանում. Հաղթանակի կամրջից երիտասարդ է ցած նետվել: Տեղեկությունը մեզ հետ զրույցում հաստատեց ՀՀ ոստիկանության հասարակայնության հետ կապի և լրատվության վարչության պետի տեղակալ Էդգար Ջանոյանը:
Նրա խոսքով՝ դեկտեմբերի 2-ին ժամը 13.20-ին ոստիկանություն է զանգահարել անհայտ քաղաքացի և հայտնել, որ Հաղթանակ կամրջով անցնելիս նկատել է, որ մի տղա ցած է նետվել:
«Ժամը 14.35-ին հիվանդանոցից հաղորդում է ստացվել, որ «պոլիտրավմա, ջրահեղձում» ախտորոշմամբ շտապօգնության խումբը Հաղթանակ կամրջի տակից իրենց մոտ բուժօգնության է տեղափոխել 1989 թ. ծնված քաղաքացու: Ըստ նախնական տեղեկությունների՝ նշված անձը Հաղթանակի կամրջից ցատկելով փորձել է ինքնասպանություն գործել»,- ասաց Ջանոյանը:
Նա հայտնեց նաև, որ դեկտեմբերի 3-ին ժամը 02.30-ին նշված բ/կ-ից հաղորդում է ստացվել, որ քաղաքացին գիտակցության չգալով՝ մահացել է. «Նշանակվել է դատաբժշկական փորձաքննություն: Կատարվում է քննություն»: