Պուտինը ցույց տվեց Փաշինյանի քաշը
2018 թվականի ապրիլին պոպուլիստական հայտարարություններով իշխանության եկած փողոցային մասսան ամենաբարձրն էր խոսում ինքիշխանության մասին։ Այդ մասսան նախկին իշխանության ժամանակ ցույցեր էր արել ընդդեմ Վլադիմիր Պուտինի։
Հակառուսական այս մասսան կառչած լինելով արևմտյան գրանտներից 2․5 տարի բղավել է, որ Հայաստանում ռուսական 102–րդ ռազմաբազան պետք է հանվի, բղավել է, որ ինքն ինքիշխան է ավելի քան երբևէ, որ նորանկախ Հայաստանի պատմության մեջ հենց միայն իրենց շնորհիվ ստեղծվեց բացառիկ շանս ապացուցելու ռուսին, որ մենք նրա կարիքը չունենք, որ կարող ենք գոյատևել թավշյա Հայաստանում առանց այդ պետության աջակցության։ Ինչպես դուխն էր այս իշխանության գլխարկին գրված ու ֆեյք, այնպես էլ ինքիշխանությունն էր ֆեյք ու անիրական։
Նիկոլ Փաշինյանը չունենալով արժանապատվության ու դուխի մասին տարրական պատկերացում՝ դրանք ոտատակ է տվել իր տխուր գոյության ողջ ընթացքում, արժանապատվությունը ոտատակ է տրված եղել, երբ Փաշինյանը ակտիվիստ էր, արժանապատվությունը ոտատակ է տրված եղել, երբ Փաշինյանը լրագրող ու պատգամավոր էր և բնականաբար արժանապատվություն ասվածը ոտատակ է տրված եղել, երբ Փաշինյանը զբաղեցնում է վարչապետի աթոռը, իսկ երբ չկա արժանապատվություն, չի կարող լինել ինքնիշխանություն, ինչի ապացույցը այսօր Արցախում բացված դպրոցի մուտքի վրա ռուսերենով Ռուսաստանին հայտնված շնորհակալությունն էր։
Փաշինյանը Արցախն ու Հայաստանը վերածեց մի այնպիսի վայրի, որտեղ քաղաքացին իր կենսական գոյության և չմոռթվելու համար շնորհակալություն է հայտնում ոչ թե այն պետությանն, ում քաղաքացին է ինքը, այլ Ռուսաստանին։ Այսօր արցախցի դպրոցականները դպրոց էին եկել Ռուսաստանի նախագահ Վլադիմիր Պուտինի նկարը ձեռքին, իսկ ի՞նչ է սա, եթե ոչ Պուտինի ապտակը անարժանապատիվ Նիկոլին։
Սա ապտակ է՝ հասցված փաշինյանական տգիտությանը, սա ապտակ է՝ ողջ կյանքում նվաստացված ու դրանից աշխարհքի դեմ չարացած մարդուն, սա ապտակ է՝ հասցված ինքնահաստատման փորձի մի ողջ կյանք ապրած ու այդպես էլ չինքնահաստատված մարդուն, սա ապտակ է՝ ծանր ապտակ այդպես էլ դուխը գլխարկի վրայից չջնջելու ու իրական դուխով չլինելու համար, սա ապտակ է՝ արդեն ինքն իրեն սպառած ու սեփական թույնի մեջ խեղդվող իրեն ոստիկանական պատով որդեկորույս մորից պաշտպանող մեկին։
NewsPress.am