Արա Այվազյան, հազարավոր զինվորներ թաղվեցին, որովհետև դիվանագիտություն չկար, ամոթ ունեցիր
Հայաստանի նորանշանակ արտգործնախարար Արա Այվազյանն այսօր կառավարության նիստից հետո առիթ է ունեցել պատասխանել լրագրողների հարցերին ու տվել իր առաջին սկանդալային հարցազրույցը։
Այվազյանը պատասխանելով լրագրողի հարցին նախ հիշեցրել է, որ Փաշինյանն ընդունել է, որ իրավիճակի պատասխանատուն ինքն է, ապա հավելել.
«Ռազմադաշտում ունեցել ենք ձախողում։ Դա պետք է ճիշտ գնահատենք, որովհետև անհամաչափ ուժերի դեմ էին հերոսաբար մեր զինվորները դիմադրում: Հիմա ամբողջ մեր խնդիրը՝ անել հնարավորը, որպեսզի կայունանա իրավիճակը։ Դիվանագիտության մեջ մենք ձախողում չենք ունեցել»:
Արա Այվազյանին չես կարող չհարցնել, իսկ եթե դիվանագիտության մեջ մենք ձախողում չենք ունեցել, ինչո՞ւ էր հայ զինվորի թիկունքը քաղաքական իշխանությունը թողել բաց, իսկ եթե մենք դիվանագիտության մեջ ձախողումներ չենք ունեցել, առհասարակ ինչո՞ւ սկսվեց պատերազմը, չէ՞ որ Արցախի հարցում այս 30 տարիների ընթացքում մենք բանակցել ենք ու կանգնեցրել նման մասշտաբի պատերազմը, իսկ եթե դիվանագիտության մեջ մենք ձախողում չենք ունեցել, ինչո՞ւ բանակը հաղթեց, զինվորը կռվեց մինչև արյան վերջին կաթիլը, իսկ դիվանագիտությունը չկարողացավ կանգնեցնել այս արյունարբու պատերազմը, իսկ եթե դիվանագիտությունը չի պարտվել, ինչո՞ւ այս պատերազմը ձգգվեց 44 օր ու չավարտվեց նախորդի նման 5 օրում. այս եթե-ները շատ են...
Բանակը չի պարտվել, բանակը կռվել է, իսկ եթե ընդունում ենք, որ պատերազմում են պետություններն իրար դեմ, ապա ակնհայտ է, որ այս պատերազմում դուք պարտվել եք, պետությունը պարտվել է, պարտվել է հենց դիվանագիտությունը։
Այս նորանշանակ նախարարը իր այս խայտառակ պատասխանով կրկնեց իրեն նշանակած դավաճանի մեթոդը՝ պարտության մեջ մեղադրելով բանակին կամ պարտության մեղքը գցելով բանակի գրպանը՝ փորձելով ջրից չոր դուրս գալ փաշինյանական էժան ձևերով։
Այս նորանշանակ նախարարը կարիք ունի՞ նաև մի քանին գիրք կարդալու գործըբնկերների հետ հարաբերվելու կանոնների մասին, սերտել դասեր, որոնք սերտում են դիվանագիտությամբ նոր-նոր զբաղվող ուսանողները։
Եթե սա է մեր արտաքին գործերի նախարարության դեմքը, ապա պետք է փառք տանք Աստծուն, որ հանկարծ ևս մեկ պատերազմի մեջ սրանք մեզ չներքաշեն, որովհետև Հայստանն էլ կտան թուրքին ու կասեն, որ դիվանագիտությունը չի ձախողվել, իսկ իրականում դիվանագիտություն չկա, այն բացակայում ր ու դա դաձավ այս պատերազմը սկսելու ու հազարավոր զինվորի թաղելու թիվ մեկ պատճառը։