Եթե ուսուցչի մոտ չի հայտնաբերվում վիրուս, ապա այն ոչինչ չի նշանակում. այսօր չկա, վաղը կարող է վարակվել. Լուսինե Պարոնյան
«Ուսուցիչների մոտ հայտնաբերված դրական դեպքերը մոտավորապես 1.5 տոկոս են»:
Այդ մասին ասուլիսի ժամանակ ասաց ԱՆ Հիվանդությունների վերահսկման և կանխարգելման ազգային կենտրոնի համաճարակաբանության բաժնի պետ Լուսինե Պարոնյանը:
Նա նպատակային գնահատեց թեստավորման միջոցառումը, և նկատեց, որ անգամ 1.5 տոկոսի հայտնաբերումը էականորեն կանխարգելում է վարակի տարածումը:
Պարոնյանի խոսքով, որոշ դեպքերում թեստավորումների ժամանակ դրական արդյունք ստացած ուսուցիչները իրենց միջոցներով կրկնակի վճարովի թեստավորում են անցել և նրանց մոտ եղել են բացասական արդյունքներ, բայց այդ վիճակով էլ ստիպված գնացել են մեկուսացման: Ամեն դեպքում, ըստ Լուսինե Պարոնյանի, եթե ուսուցչի մոտ չի հայտնաբերվում վիրուս, ապա այն ոչինչ չի նշանակում:
«Այսօր չի հայտնաբերվել, բայց կարող է ամեն վայրկյան վարակվել»: