Խունդկարյանը խոստացե՞լ է ընդունել հեղափոխական արժեքները. պատասխանը կստանանք վաղը
Արդեն երկու օր է, ինչ Սահմանադրական դատարանը չի կարողանում ընտրել Սահմանադրական դատարանի նախագահ։ Սահմանադրական դատարանի նախագահի պաշտոնի հավակնողին անհրաժեշտ է ընդամենհը 5 կամ 6 ձայն և խնդիրն այն է, որ ՍԴ-ում իշխանությունը այնպիսի ճգնաժամային իրավիճակ է ստեղծել, որ երկու օր է՝ 9 հոգով մի ՍԴ նախագահ չեն կարողանում ընտրել։
Որպես նախագահի թեկնածու ինքնաառաջադվել է Երվադ Խունդկարյանը։ Ըստ մամուլի հրապարակումների՝ հենց Երվանդ Խունդկարյանն է, որ ցանկանում է դառնալ ՍԴ նախագահ։
Ոչ Շաթիրյանը, ոչ Վաղարշյանը չեն էլ առաջադրվել, թեև ունեին իրավունք ինքնաառաջադրվելու։ Սահմանադաան դատարանում ստեղծված իրավիճակն արդեն ցույց է տալիս, որ գործ ունենք խոցելի և հեղհեղուկ մի այնպիսի իրավիճակի հետ, երբ ՍԴ գործուղված դատավորները, որոնց վերջին օրերին «Իմ քայլի» 88 պատգամավոր գործուղեց այս մարմին, գիտակցոմ են, որ գործ ունեն ապօրինի մի երևույթի հետ։
Սահմանադրության խախտմամբ Թովմասյանին ՍԴ նախագահի պաշտոնից հեռացրին, իսկ մյուս դատավորներին թոշակի ուղարկեցին։
Հավանաբարմ Սահմանադրական դատարանի նախագահի պաշտոնի համար չեն առաջադրվում՝ շատ լավ գիտակցելով, որ իրավունքի հետ խնդիրը չի բացառվում և գուցե Մարդու իավունքների եվրոպական դատարանը, որը քննելու է ՍԴ նախկին նախագահի և հեռացված դատավորների գործը, ճանաչի իրավունքի խախտումները։
Իսկ, եթե ՄԻԵԴ-ը որոշի, որ խախտված են Հրայր Թովմասյանի և նրա հետ հեռացված դատավորների իրավունքները, ապա կառավարությունը պարտավորված է լինելու այս անձանց ոչ միայն վերականգնել իրենց աշխատանքին, այլ նաև պետական բյուջեից վճարել հարկադրված պարապուրդի համար։
Պարզ է, որ այս հանգամանքը շատ լավ գիտակցում են նաև ՍԴ նորընտիր դատավորները և փորձում են հնարավորինց իրենց զերծ պահել իշխանության եփած այն ճաշից, որից փորձելուց հրաժարվում են հիմա։
Վաղը պարզ դառնա ՍԴ նախագահի անունը։ Հաշվի առելով, որ գործ ունենք մեկ ինքնաառաջադրված թեկնածուի հետ՝ հավանաբար հենց Խունդկարյանն էլ կդառնա Նիկոլ Փաշինյանի երազանքի Սահմանադրական դատարանի նախագահը։ Այստեղ թերևս մի կարևոր հարց է մնում անպատասխան՝ իսկ խոստացե՞լ է արդյոք Խունդկարյանը, որ հավատարիմ է մնալու հեղափոխական արժեքներին և որքանով է ընդունել այդ արժեքները։
Հենց այս կարևոր հատկանիշներն են, որոնք մոտ ապագայում կտան այս առանցքային հարցերի պատասխանները։
NewsPress.am