Սա այն պահն է, երբ ակնհայտ է, որ թշնամին ոչ մի զիջման, փոխզիջման, հաշտության չի գնալու. քաղաքագետ
Քաղաքագետ Հայկ Մարտիրոսյանը Ֆեյսբուքյան իր էջում գրել է.
«Սա այն պահն է, երբ բոլորին է ակնհայտ, որ թշնամին ոչ մի զիջման, փոխզիջման, հաշտության չի գնալու: Երբեք: Պատերազմի ժամանակ առողջապահական նշանակության հաստատություն ռմբակոծելը, ըստ միջազգային օրենքների, պատերազմական հանցագործություն է: Բայց նաև՝ վկայություն, թե ում հետ գործ ունենք: Մենք մեր ներսում պարտավոր ենք հստակ գծեր քաշել և ամեն բան իր անուններով կոչել: Նրանք, որոնք հիմա խոսում են ադրբեջանցի մայրերի կորուստներից, հավասարեցնում մեր որդիների զոհելը նրանց ոչնչացվելուն, ցավում այդ մայրերի համար և խաղաղության կոչեր անում՝ պետք է որակվեն դավաճաններ:
Սա այն պահն է, երբ ակնհայտ է, որ անհրաժեշտ է այլևս հայտարարել, որ Արցախը Հայաստանի Հանրապետության մաս է: Եվ՝ դուրս գալ բոլոր բանակցություններից: Հայաստանի առաջին ռեժիմից սկված դավաճանական արցախաանկախական գիծ տանողները վախենում էին պատերազմից: Բայց ստացան պատերազմ ու էլի են ստանալու: Չկա ու չի կարող լինել երկխոսություն Ադրբեջանի հետ: Ու դա Ադրբեջանն է հայտարարում:
Հայկական կողմում վերջապես պետք է հասարակակական լայն պահանջ ձևավորվի՝ երեսուն տարի իրար հետևող դավաճան ռեժիմների վարած գիծն առհավետ աղբանոց նետելու և ստորացուցիչ պայմաններով բանակցային փաթեթից հրաժարվելու:
Այս իշխանությունը պետք է գնա այդ քայլին: Կգնա՞ - ո՛չ, չի գնա:
Արցախի դե յուրե վերամիավորումը Հայաստանին, մինչև Քուր-Արաքսյան հատված - բնագիծ - սահման դուրս գալը պետք է դառնա մեր գործողությունների առանցքը: Միայն դա է լուծելու հայ-ադրբեջանական պատերազմը՝ հօգուտ Հայաստանի:
Եվ այն պետք է լուծել: Ո՛չ բանակցություններով, որն անհնար է: Ո՛չ հետո:
Հիմա՛»: