Կգնա՞ Ալիևը լայնամասշտաբ ռազմական գործողությունների, թե՞ ոչ. Բաքվում փողոց դուրս եկածները պատերազմական կոչեր են հնչեցնում. Տիգրան Աբրահամյան
Արցախի նախագահի անվտանգության հարցերով նախկին խորհրդական Տիգրան Աբրահամյանն իր ֆեյսբուքյան էջում անդրադարձել է հայ-ադրբեջանական սահմանին տիրող իրավիճակին, Ադրբեջանում անցկացվող ցույցներին։
Նա մասնավորապես գրել է․
«Ադրբեջանի իշխանություններն իրենց ոչ հաշվենկատ քայլերով իրենք իրենց բավականին վատ դրության մեջ են դրել։
Բաքվում արդեն մի քանի օր է անցկացվող հանրահահավաքներն արդեն դուրս են եկել վերահսկողությունից, իսկ փողոց դուրս եկածները տարբեր պաշտոնյաների հրաժարականները պահանջելուց բացի պատերազմական կոչեր են հնչեցնում։
Կգնա՞ Ալիևը լայնամասշտաբ ռազմական գործողությունների, թե՞ ոչ. երկու ճանապարհն էլ իշխանությանը տապալման ռիսկերը էականորեն մեծացնելու է»։
Հիշեցնենք, որ Ադրբեջանում ցույցեր են կազմակերպվում։ Ադրբեջանցիները պահանջում են պատերազմ։ Նրանք անգամ այդ պահանջով խորհրդարան են ներխուժել։