Էն, որ նամակում ուսանողներին գրել էիք՝ ԱՆՀՐԱԺԵՇՏ Է վճարել մինչև հուլիսի 10-ը, փաստորեն հարկադրանք չէ՞ր. Ռուբեն Հայրապետյան
ՀՊՏՀ ռեկտորի նախկին պաշտոնակատար Ռուբեն Հայրապետյանը տեղեկացրել էր, որ ՀՊՏՀ-ում մագիստրատուրա ընդունված ուսանողները հուլիսի 7-ին նամակ են ստացել համալսարանից, ըստ որի անհրաժեշտ է մինչև հուլիսի 10-ը վճարել վարձի մեկ ամսվա գումարը, որպեսզի կարողանան հրամանագրվել որպես ուսանող: Սակայն, ըստ պաշտոնապես հաստատված կանոնակարգի, ուսանողները իրավունք ունեն մինչև սեպտեմբերի 10-ը չվճարել այդ գումարը:
Կրկին անդրադառնալով խնդրին՝ Ռուբեն Հայրապետյանը գրել է.
«Երբ քրեական պատասխանատվությունից խուսափելու վերջին հույսդ անմեղսունակ ձևանալն է
Թե բա՝ հարկադրանք չի պարունակել…
Էն, որ նամակում ուսանողներին գրել էիք՝ ԱՆՀՐԱԺԵՇՏ Է վճարել մինչև հուլիսի 10-ը, փաստորեն հարկադրանք չէր…
Հա, մեկ էլ երևի հարկադրանք չէր, որ ռեկտորի պարտականություններն ապօրինի կատարողը ՀՐԱՄԱՆՈՒՄ նշում է՝ «ԹՈՒՅԼԱՏՐԵԼ ՄԻՆՉԵւ հուլիսի 10-ը վճարել»:
Հավանաբար զուտ մոռացել էր գրել «հուլիսի 10-ից հետո ևս թույլատրել»:
Բա էս որ հանցագործության բացահայտումիցս հետո խուճապահար իրար գլուխ եք հավաքվում և 3 օր անց ստիպված «ի լրումն» նամակ ուղարկում ուսանողներին, թե կարող են նաև հետո վճարել, ձեր կարծիքով նախորդ նամակի պատճառով վարկի ու պարտքի հաշվին արդեն կատարված վճարների և ուսանողների օրինական շահերին պատճառված վնասի պատասխանն ո՞վ է տալու:
Ամեն դեպքում, չեմ կարծում, որ դատարանին կկարողանաք ապացուցել, որ անմեղսունակ եք: Այլ տարբերա՛կ մտածեք»: