Բարձրագույն դատական խորհուրդն այսօր բարձրության վրա է. Ռուբեն Մելիքյան
Իրավապաշտպան, Արցախի նախկին ՄԻՊ Ռուբեն Մելիքյանը Ֆեյսբուքյան իր էջում գրել է.
«Բարձրագույն դատական խորհուրդն այսօր բարձրության վրա է։
Շաբաթներ առաջ տեղի ունեցած հրապարակային դատալսումներից հետո ԲԴԽ-ն հենց նոր մերժեց դատավոր Ալեքսանդր Ազարյանին կարգապահական պատասխանատվության ենթարկելու՝ արդարադատության նախարարի միջնորդությունը։
Կարող ենք փաստել, որ ԲԴԽ անդամների՝ որոշումն ընդունած կազմն այսօր դրսևորեց հավատարմություն իրավունքի գերակայության հիմնարար, պետականակերտ գաղափարին։
ՀԳ. Հատուկ շնորհավորում եմ ԲԴԽ առջև դատավոր Ազարյանի ներկայացուցիչ փաստաբան Տիգրան Աթանեսյանին»։
Ավելի վաղ տեղեկացրել էինք, որ ԲԴԽ-ն մերժեց կարգապահական պատասախանության ենթարկել դատավոր Ալեքսանդր Ազարյանին: