Վարակաբանը զգուշացնում է COVID-19-ի դեմ ԱՀԿ-ի (ВОЗ-ի) առաջարկած դեղամիջոցի վտանգավորության մասին
Խիստ վտանգավոր ինֆեկցիաների «Վեկտոր» լաբորատորիայի նախկին ղեկավար, վիրուսաբանության պրոֆեսոր Ալեքսանդր Չեպուրնովը նախազգուշացրել է «Ռեմդեսիվիր» դեղամիջոցի առաջացրած վտանգների մասին, որը ԱՀԿ-ն (ВОЗ-ը) համարում է առավել խոստումնալից հակավիրուսային դեղամիջոց COVID-19- ի բուժման մեջ: Այդ մասին գրում է «Ռիա Նովոստի»-ն։
Չեպուրնովի խոսքով՝ նման դեղերի օգտագործումը վտանգավոր է առողջության համար ՝ կողմնակի բարդությունների պատճառով:
«Հակավիրուսային պայքարի միջոցի առաջացրած բարդությունն այն է, որ վիրուսը մտնում է բջիջի մեջ, ուստի գրեթե բոլոր դեղերը, որոնք արդյունավետ են, պարզվում էն, որ թունավոր են բջիջների, հետևաբար նաև մարմնի համար», - ասել է Չեպուրնովը:
Պրոֆեսորը ընդգծել է, որ նման դեղամիջոցներ ստեղծողների համար կարևոր է գտնել այնպիսի հավասարակշռություն, որի դեպքում դեղամիջոցը ընդունելի կլինի բջիջների համար, բայց ոչ վիրուսի համար:
Ավելի վաղ, ԱՀԿ ավագ գիտաշխատող Սումիա Սվամինաթանը հայտարարել էր, որ «Ռեմդեսիվիր»-ը COVID-19-ի դեմ որոշակի արդյունավետություն է խոստանում։ Ինչպես կազմակերպությունը նշել է, դեղամիջոցի օգտագործումը հանգեցնում է հոսպիտալացման նվազմանը, բայց այն չի ազդում մահացության թվերի վրա։