Նիկոլ Փաշինյանն ունի այնքան բարձր վարկանիշ, որքան Սերժ Սարգսյանը՝ մերժվելուց օրեր առաջ
Gallup International Association Հայաստանում լիիրավ անդամ MPG ՍՊԸ տնօրեն Արամ Նավասարդյանն այսօր հրավիրված մամուլի ասուլիսի ժամանակ ներկայացրել է սոցիոլոգիական հարցումների արդյունքները:
Նավասադյանը հաճախակի է դրանք ներկայացնում ու հետաքրքրական է, որ նույն 2018 թվականի ապրիլ ամսին նույն անձնավորությունը ներկայացրեց իր հերթական սոցհարցման ամփոփումն, ըստ որի, 2018-ին Սերժ Սարգսյանն ուներ բավականին բարձր վարկանիշ:
2018-ի ապրիլի 5-ին Հայաստանում անցկացված սոցհարցման արդյունքներով՝ ՀՀԿ-ի վարչապետի թեկնածու Սերժ Սարգսյանին այդ պաշտոնում ցանկացել էին տեսնել հարցվածների գերակշիռ մասը:
Հարց է առաջանում՝ որքանով էր վստահելի այս ընկերության կողմից հրապարակված սոցհարցումը, երբ ընդամենը հարցման հրապարակումից օրեր անց Սերժ Սարգսյանը հրաժարական տվեց՝ հրապարակում հավաքաված բազմության պահանջով:
Խոսքը հարցման անցկացումից հաշված օրերի մասին է: Այսօր այդ նույն կազմակերպությունը հրապարակել է սոցոլոգիական հարցման տվյալներ:
Հարցումն անցկացվել է հունիսի 10-27-ն ընկած ժամանակաշրջանում, եղել է հեռախոսային և դրան մասնակցել է 1200 քաղաքացի:
ՀՀ վարչապետի գործունեությանը՝ ըստ արդյուքների հավանություն տալիս է, հարցվածների 85 տոկոսը և չի տալիս՝12 տոկոսը։ Տպավորություն է, որ Նիկոլ Փաշինյանի պատվիրած հարցման արդյունքին, եթե անգամ փորձենք հավատալ, ապա Փաշինյանը շարունակում է ունենալ այնպիսի բարձր վարկանիշ, ինչպիսին ուներ հեղափոխության օրերին:
Ստացվում է՝ տնտեսական ճգնաժամը, ներդրումների բացակայությունը, կորոնավիրուսի դեմ պայքարի հարցում Հայաստանի արձանագրած հակառեկորդային ցուցանիշը, ամեն օր տասնյակ մահերը և այլն հասարակության մոտ բացասական վերաբերմունք չեն ձևավորել և մարդիկ գոհ և երջանիկ են:
Ստացվում է՝ փակված տասնյակ հազարավոր աշխատատեղերը ու դրա հետևանքով հացին կակա ասելը հասարակության վրա ազդեցություն չի գործել, մարդիկ շարունակում են գոհ լինել Նիկոլ Փաշինյանի կառավարությունից:
Հարցման նման արդյունք հրապարակելն աղքատացման եզրին հայտնված երկրում մեղմ ասած ծիծաղելի է, իսկ ավելի լուրջ՝ պատվիրված լինելու վառ ապացույց:
Պարադոքսը կայանում է սակայն նրանում, որ պատվերի դեպքում, այս սոցիոլոգիական հարցման տվյալով Փաշինյանն ունի այնքան բարձր վարկանիշ, որքան ուներ Սերժ Սարգսյանը հրաժարականից մի քանի օր առաջ: Հավատալ արդյունքներին, թե ոչ՝ թողնում ենք մեր ընթերցողներին:
NewsPress.am