Պատերազմական իրավիճակում սթափվելու կոչով է դիմում
Բոլորն անխտիր հասկանում են, որ պատերազմական իրավիճակում չի կարելի քաղաքացուն քերթել. սա հասկանում են բոլորը, բացի իշխանությունից։
Բացի իշխանությունից չկա որևէ այլ ուժ, որը կողմ լինի Արտակարգ դրության ժամանակ քաղաքացիների գույքահակը 8-10 անգամ թանկացնելու մասին օրենքին, որը ընդունվեց Ազգային ժողովում ու դրան կողմ քվեարկեց միայն «Իմ քայլը» խմբակցությունը։
Ընդդիամադիր խմբակցությունները, խորհրդարանից դուրս գտնվող ուժերը միաբերան պնդում են՝ մի արեք, այդպես դաժան մի վարվեք սեփական ժողովրդի հետ։ Սա էլ պնդում են բոլորը, բացի իշխանություններից։
Զարմանալիորեն այսօր իշխանության ընդունած անմարդկային օրենքի մասին ահազանգեց այս իշխանության բոլոր սխալները սրբագրած ու այս իշխանության բոլոր քայլերի ջատագով Հայ Ազգային կոնգրեսը։
«Անընդունելի է, երբ անխտիր բոլոր հարկատուների հարկային բեռը կտրուկ ավելացնող օրենքն ընդունվում է արտակարգ դրության իրավիճակում: Պետություն-հարկատու, կամ պետություն-հասարակություն հարաբերություններում անհրաժեշտ է խստորեն պահպանել հավասար հնարավորությունների սկզբունքը:
Նման փոփոխություններին անհրաժեշտաբար պետք է նախորդեին լայն հասարակական քննարկումները: Մինչդեռ, ներկայումս, օբյեկտիվ պատճառներով քաղաքացիների սահմանադրական մի շարք հիմնարար իրավունքների սահմանափակման պայմաններում, վերջիններս զրկված են փոփոխությունների նկատմամբ իրենց վերաբերմունքն ազատորեն արտահայտելու հնարավորությունից»,- կարդում ենք Հայ ազգային կոնգրեսի տարածած հաղոդագրության մեջ։
Անշուշտ, ՀԱԿ-ն ասեց մի բան, ինչը մի քանի ամիս է անընդմեջ ասում են բոլոր ընդդիմադիրները և լեգիտիմացրեց նրան դժգոհությունն ու պահանջը։
Բայց հարց է առաջանում՝ ինչու ՀԱԿ-ը որոշեց գնալ նման քայլի՝ միթե Նիկոլ Փաշինյանի և Լևոն Տեր-Պետորսյանի ջրերը կրկին նույն առվով չեն հոսում։
Այս հաղորադագրությամբ ՀԱԿ-ն ապտակում է «Իմ քայլին» ու նրանց հետ Նիկոլ Փաշինյանին, իսկ դա նշաակում է, որ քաղաքական խոհանոցում հասունանում են լուրջ տարաձայնություններ երբեմնի կնքահոր և սանիկի միջև, որոնք կարող են առաջ բերել արդեն լուրջ բախումներ՝ քաղաքական այս թեժ սեզոնին։ Կարող է լինել նաև 2-րդ տարբերակը՝ Լևոն Տեր-Պետրոսյանն այսպես դեռևս զգուշացնում է Փաշինյանին ու սթափվելու կոչ անում՝ քանի դեռ սողացող իշխանությունը վերջնականապես ձեռքից չի գնացել։
NewsPress.am