Ալեն Սիմոնյանը ենթադրում է՝ Գագիկ Ծառուկյանին չկալանավորելը կապված է նրա տարիքի և կորոնավիրուսի հետ (տեսանյութ)
Ազգային ժողովի փոխխոսնակ, «Իմ քայլը» խմբակցության անդամ Ալեն Սիմոնյանը ենթադրում է, որ «Բարգավաճ Հայաստան» խմբակցության ղեկավար Գագիկ Ծառուկյանին չեն կալանավորել՝ հաշվի առնելով նրա տարիքն ու կորոնավիրուսի առկայությունը։
Այդ մասին նա հայտարարեց լրագրողների հետ զրույցում։
«Մեր քաղաքացիների մոտ տպավորություն է, որ ԱԺ այն քննարկումը, որի արդյունքում տեղի ունեցավ քաղաքական որոշում՝ դատարանը չընդունեց և բաց թողեց Գագիկ Ծառուկյանին»,-ասաց Ալեն Սիմոնյանը։
Ինչ վերաբերվում է դատական համակարգի անաչառությանը՝ հաշվի առնելով ՀՀ երկրորդ նախագահ Ռոբերտ Քոչարյանին կալանքից ազատվելն ու Գագիկ Ծառուկյանի չկալանավորվելը՝ Ալեն Սիմոնյանը նկատում է, որ ամեն դատական գործընթացից հետո կարիք չկա, որ ինքը տա գնահատական՝ համակարգի գնահատականը արդեն վաղուց հնչեցվել է։
Նա նաև անդրադարձավ ԲՀԿ առաջնորդի հետ առնչվող քրեական գործին՝ կապված ընտրակաշառք բաժանելու հետ։
Մանրամասները՝ տեսանյութում։