Ծառուկյանի դատական նիստը տեղի կունենա այսօր, երեկոյան ժամը 19։00֊ին. Իվետա Տոնոյան (տեսանյութ)
ԲՀԿ առաջնորդ Գագիկ Ծառուկյանի դատական նիստը տեղի է ունենալու այսօր՝ երեկոյան ժամը 19։00֊ին, Շենգավիթի դատարանում։
Այդ մասին լրագրողների հետ զրույցում ասաց ԲՀԿ պատգամավոր Իվետա Տոնոյանը։ Նա նշեց նաև, որ թեև բոյկոտել են նիստն, սակայն դա չի նշանակում, որ դահլիճից դուրս իրենց աշխատանքները չեն ծավալվելու:
«Քանի որ սա վերջին լիագումար նիստն է, մենք անելու ենք ամեն ինչ մեր խորհրդարանական աշխատանքում որեւէ ձախողում թույլ չտալու համար: Թե օրենսդրական նախաձեռնություններում, թե այլ հարթակներում մենք աշխատելու ենք: Պարզապես մենք մեր քաղաքական անհամաձայնությունն ենք արտահայտել երեկ խորհրդարանի կողմից անօրինական եւ դատարկ միջնորդությունը վավերացնելու առնչությամբ:
ԲՀԿ-ն շարունակելու է աշխատել նույն արդյունավետությամբ եւ իր սահմանած ծրագրով: Խմբակցության ղեկավարի փոփոխության հարց չի քննարկվում: Բոլոր քաղաքական որոշումներըկայացվելու են քննարկումների եւ քաղաքական թիմի ներկայացուցիչների կոնսենսուսի պայմաններում»,-ընդգծեց նա: