Ինչու որոշվեց քաղաքացուն տուգանքի մատերիալ դարձնել հիմա
Վարչապետ Նիկոլ Փաշինյանի համար բոլորս դարձել ենք տուգանվելու մատերիալ։ Մի զարմացեք, որովհետև բոլորս արդեն պետք է 10 հազար դրամով տուգանվենք, եթե տանից համարձակվենք դուրս գալ առանց անձը հաստատող փաստաթղթի։
Պարետի հատորներով ընդունած որոշումներին, որոնց իրավական գնահատկանը կտա հաջորդ իշխանությունը, ավելացավ նաև մեկը՝ քաղաքացները կտուգանվեն, եթե...
Խնդիրն այն չէ, որ այս որոշումն իրավականորեն այնքան թույլ է, որ քննադատության չի դիմանում, խնդիրն անգամ այն չէ, որ չի կարող պարետը քնել և արթնանալ և մարդու իրավունքներն ու ազատությունները սահմանափակող այսպիսի որոշումներ ընդունել, այլ այն, որ այդ մասին հայտարարում է այն վարչապետը, որը իշխանության է եկել ոչ տուգանքներին կարգախոսներով։
Ստացվում է, որ 2018 թվականին քաղաքացին տուգանքի մատերիալ չէր կարող դառնալ, տեսախցիկներն ու կարմիր գծերն էլ պետք է հանվեին, իսկ 2020 թվականին քաղաքացին պետք է դառնա տուգանքի մատերիալ ու կարմիր գծերն ու տեսախցիկները չպետք է հանվեն։ Այստեղ հրավիրում եմ հատուկ իրավաբանների և իրավապաշտպանների ուշադրությունը այլ կարևոր հարցի վրա, եթե կառավարության նիստ չի եղել և կառավարության ղեկավարի որոշում չկա, այդ ի՞նչ իրավական ուժ ունի վարչապետ Փաշինյանի հաթաթան և ինչու ես պետք է այդ հաթաթային ենթարկվեմ, իսկ ով է ասել, որ նա ինչ ասի՝ ինձ համար պետք է դառնա օրենք։
Իսկ կարող է՝ Փաշինյանը որոշել է՝ կարելի է բյուջե լցնել վերջին օրերին ակցիա անող քաղաքացինրի հաշվին։ Չէ որ վերջին օրերին հարյուրավոր քաղաքացիների են ոստիկանները բերման ենթարկել չտույլատրված հավաք անելու պատճառաբանությամբ ու նրանց կարելի է տուգանել՝ մինմումը նաև անձնագիր չունենալու հիքմով։
Շան գլուխը թաղված է հենց այստեղ. իշխանությունը մեկ հարվածով երկու նապաստակ բռնելու ձևը գտել է՝ մի քաղաքացուն կտուգանի արդեն ոչ թե 10 այլ 20 հազար դրամով՝ փոխարենը այդ քաղաքացուն կտա ոչ թե աշխատանք, սոցալական պաշտպանվածություն ու եկամտի աղբյուր, այլ՝ լո-լո-ներ։
NewsPress.am