Ծառուկյանին կալանավորելու գինը
Բոլոր իշխանությունները վախեցել են փող ունեցող ընդդիմադիր ղեկավարներից, որովհետև փողն է, որ իր շուրջն է համախմբում ոչ միայն գաղափարակիր մարդկանց, այլև ապահովում է աշխատատեղեր, ստեղծում ռեսուրսներ, կուսակցությանը կապում մարդկանց ու այլ ուժերի։
Որքան էլ կուսակությունները բղավեն, թե իրենց անդամները բացառապես գաղափարականներ են, միևնույն է՝ մեծ մասի դեպքում գործում է այս աքսիոման, հազվադեպերի դեպքում՝ գաղափարախոսության տարբերակը. թեև փողն ու գաղափարը չեն հակադրվում իրար։
Հենց այս դեպքի ապացույցն է Գագիկ Ծառուկյանի ղեկավարած կուսակցությունը, որտեղ կան գաղափարակիրներ և սոցիալապես իրենց այդ կուսացության տանիքի տակ ապահով զգացող մարդիկ։
Հիմա, երբ իր բիզնեսները հավատարմագրային կառավարման հանձնած պատգամավորը հայտնվում է կալանավորման մեջ՝ դա բեռ է դառնալու առաջին հերթին սոցիակալան խնդիրներ ունեցող հազարավորների համար, որովհետև պարզից էլ պարզ է, որ սեփականության վերաբաշխման ճանապարհով գնացած այս իշխանությունը քայլ է անելու հաջորդիվ զրկելով ԲՀԿ-ն իր տնտեսական հզորություններից։
Իշխանությունը թքած ունի այն հազարավոր քաղաքացիների վրա, որոնք կարող են մնալ գործազուրկ, նպատակը մեկն է ջարդել ցանկացած ընդդիամդիր կարծիք ու այլակարծություն ու կուտակել փող։ Բայց սա աշխատող տարբերակ կարող էր լինել, եթե հենց հեղափոխությունից հետո իշխանությունը սրան գնար՝ թաքնվելով էյֆորիայի տակ, բայց ոչ հիմա, որովհետև երկու տարվա ընթացքում հասարակությունը զգաց, որ իր հաշվին աղքատությունը իրենց գլխում հաղթահարում են կիսագրագետները, իսկ իր կյանքի որակն այդպես էլ չի փոխվում, հետևաբար Գագիկ Ծառուկյանին շարքից հանելը արագացնում է մեկ բան՝ ընդդեմ իշխանության համախմբումը։
Երկրում բացի իշխանությունից բոլորը դեմ են այս իշխանությանը, ինչպիսի իրավիճակ համեմատության համար ասենք, որ չի եղել անգամ 2018 թվականին։ Անգամ ՀՀԿ-ն չի ունեցել այնպիսի ընդդիմություն, ինչիպիսին ունի այսօր Նիկոլ Փաշինյանը, հետևաբար անկախ նրանից, ով է երկրի ոստիկանապետն ու ազգային անվտանգության ծառայության տնօրենը այս իշխանությունը սարսափ ունի իշխանությունը կորցնելու. իսկ այդ սարսափն ավելի քան հիմնավոր է։ Այնպես որ, իշխանությունը ճակատագրական սխալ գործեց կալանավորելով Գագիկ Ծառուկյանին, իսկ այդ սխալի գինը լինելու իշխանափոխությունը։
NewsPress.am