4 միլիարդի, ջեբերը լցնելու ու պատգամավորներին քսի տալու մասին
Սուրբ աթոռում ՀՀ նախկին դեսպան Միքայել Մինասյանն այսօր իր հերթական տեսաուղերձում բացահայտեց Հայաստանի իշխանության ղեկավարի պաշտոնը զբաղեցնող անձի ու նրա կնոջ կողմից իրականացվող գործարքների մասին մութ պատմությունների հերթական շղթան:
Նա փաստաթղթավորված հանրությանը ներկայացրեց մի գործարքի պատմություն, որն այս անգամ կապվում է ոչ թե մաքսանենգ ծխախոտի, ադամանդների, այլ երկաթի ջարդոնի արտահանման հետ:
Մինասյանը բացահայտեց կոռուպցիոն այնպիսի մի շղթա, որի մաս է կազմում ՀՀ-ից արտահանված 50 հազար տոննա մետաղի ջարդոն, ինչի հետևանքով պետությանը չվճարված մաքսատուրքը կազմում է 4 միլիարդ դրամ:
Եթե նման մի վիդեոնյութ հրապարակվեր ցանկացած այլ մեկի մասնակցության մասին, ապա իրավաահ կառույցները՝ Ազգային անվտանգության ծառայությունը, ոստիկանությունն ու քննչական մարմինները րոպե անց լծվել էին գործի բացահայտմանն ու նախապատրաստել նյութեր, բայց ինչպես որ իրավապահները լուռ են նախորդ սկանդալների դեպքում, այս անգամ էլ կպահպանեն համապատասխան լռությունը: Չի բացառվում, որ այսօրվա սկանդալային բացահայտմանը հետևեն մի շարք պաշտոնակություններ, ինչպիսիք եղան նախկին բացահայտումներից հետո և մեկը մյուսի հետևից իրենց պաշտոններին հրաժեշտ տվեցին ՊԵԿ նախագահ Դավիթ Անանյանը, ոստիկանապետն ու Ազգային անվտանգության ծառայության տնօրենը:
Այս համակարգերում պետք է սրտատրոփ սպասեն, թե ով է հետևելու նախկին պաշտոնյաների օրինակին ու հեռացվի համակարգից: Տոննաներով՝ առանց մաքսատուրքի արտահանված երկաթե ջարդոնի պատմությունը, հերթական անգամ ցույց է տալիս այն իրական տեղը, որտեղ հայտնվել է մեր պետությունը:
Ամեն շաբաթ մենք թերթում ենք հերթական կոռուպցիոն պատմության էջը, դրանք արդեն մեր ականջներին դարձել են սովորական: Զավեշտը այն է, որ այս ամենը կատարվում են այն մարդկանց կողմից, որոնք խոստանում են հրապարակում կախաղան լինել, եթե իրենք բացի աշխատավարձից մի կոպեկ ավել են աշխատում:
Իշխանությունն ամեն մի սկանդալային կոռուպցիոն գործարքի բացահայտումից հետո գործի է դնում «Իմ քայլի» իր 88 հպատակին ու ֆեյքային ֆաբրիկաները:
Պատգամավորները, որոնց կերակրում ենք մենք՝ հարկատուներս, փորձել են հերթական անգա պատվեր կատարելու ամենաէժան ձևը. մի բան, որի համար խելք ու հմտություն պետք չէ:
Իրար հերթ չտալով իրենց ֆեյսբուքի էջերում հրապարակում եմ Սերգեյ Դանիելյանի անիմաստ ու ոչինչ չասող տեսանյութն ու անում իրենց բնորոշ անբովանդակ հումորներ՝ իբրև ծաղր իրական կոռուպցիայի մասին բարձրաձայնող Մինասյանի:
Այն, որ պատգամավորները սրբությամբ կատարում են նույն հրահանգը և ոչ թե հարց բարձրացնում իրավապահներին օր առաջ հանրությանը տալ այս կոռուպցիոն գործարքների մասին պարզաբանում, ցույց է տալիս իշխանության վախն ու դրանք հաղթահարելու անկարողությունը:
Այս էժանագին փորձերը ոչ թե հերքում են Մինասյանին, այլ հաստատում ասածները ու ցույց տալիս, որ Փաշինյանը մնացել է իր բուծած պատգամավորների ստատուսների հույսին ու հենց նրանց վրա է դրել իր, իր կնոջ խայտառակությունների շուրջ աղմուկը ցրելու գործը:
NewsPress.am
Լուսանկարը՝ Միհրան Հակոբյանի ֆեյսբուքյան էջից