Վախը բռնել ենք
Վարչապետ Նիկոլ Փաշինյանն այսօր Ազգային ժողովում հերթական անգամ բացահայտեց իր ցայտնոտային վիճակն ու գլխին օր օրի կուտակվող սև ամպերի թողած բացասական ազդեցությունը: Նա շատ նյարդային էր, իր պատասխաններով փորձում էր կշտամբել ընդդիմադիր պատգամավորներին, որոնք հանդգնում էին նրան սրտի չուզած հարցերը տալ:
Նիկոլ Փաշինյանն իր նախկին թիմակից պատգամավորներին կսմիթներով հիշեցնում էր, թե ով են եղել նրանք ու ինչ ուժի տեր՝ նպատակ ունենլով կաշկանդել պատգամավորների կողմից իր ցավոտ տեղերին դիպող հարցերի տեղատարափը, բայց ավաղ:
Փաշինյանն այսօր բավահայտում արեց, պարզվում է Հայաստանն այնքան փոքր է, որ բոլորս կարող ենք բոլորիս բարեկամ դուրս գալ ու պետք չի զարմանալ, որ Իջևանի քաղաքապետի թեկնածու իր քավորի բարեկամի կողմից իրականացված մախինացիաները դարձել են համայն հայության սեփականություն ու հայտնվել սկանդալի կենտրոնում:
Փոխարենը հանգամանալից բացատրություն տա, թե ինչու է իր քավորի բարեկամը փորձել Երևանի քաղաքապետարանի հայտարարած մրցույթին մասնակցել կեղծ բանկային երաշխիքով, Նիկոլ Փաշինյանը ամբիոնից հոխորտում է, թե ես կոռուպցիոներ չեմ, իմ քեռին է անգամ ենթարկվել քրեական պատասխանատվության ու նման լղոզած պատասխաններ, որոնց արդյունքում օդից կախված մնաց իր քավորի և բանկային կեղծ երաշխիքի մասին հարցի պատասխանը:
Հենց խոսում են փաշինյանամերձ անձանց ինչ-ինչ պատմությունենրի մեջ հայտնվելու մասին՝ վարչապետը հիշում է փչացածության աստիճանների մասին ու մատ թափ տալիս, թե ոչ հերքելու է, ոչ էլ, ով ուզում է՝ թող գնա հերքի:
Այո ուզում ենք և պետք է հերքես դու, որովհետև 3 միլիոն վարչապետի հավաստիացրել ես, որ չես գողանալու, թալանելու նրանց վճարած հարկերը սեփական բարեկեցության համար չես օգտագործելու, հավաստիացրել ես, որ ապրելու ես աշխատավարձով և ոչ բիզնեում փայ մտնելով; Հիմա, երբ կնոջդ, աներորդուդ անունը շրջանառվում է տոննաներով մաքսանենգ ծխախոտային բիզնեսի մեջ,դու պարտավոր ես ներկայացնել հաշվետվություն ու հերքել՝ բերելով փաստեր ու քեզ չի փրկի 3 միլիոն վարչապետի առաջ պատասխանատվությունից ոչ պապ ու շաղգամի, ոչ էլ մկան մասին ունեցած գիտելիքներդ:
Չփաստարկված ու հունից դուրս եկած նյարդային խոսքով Նիկոլ Փաշինյանն այսօր բացահայտեց իր ներսի խուճապը, վախը, որից նրան չի փրկի անգամ մաքսանենգ ծխախոտի հարցում սլաքները դեպի Սերժ Սարգսյանի կողմ ուղղելը:
NewsPress.am