«Լուսավոր Հայաստանը» իր դահլիճ վերադառնալը որևէ կերպ չի կապել ձեր դիրքորոշման հետ․ Գորգիսյանը՝ Արարատ Միրզոյանին
«Մենք հայտարարել ենք, որ կանենք հետևություններ և հետագա մեր գործունեությունը կպայամնավորենք նաև Ձեր՝ այդ օրերին արած կամ չարած գործողություններով»։ Այս մասին Աժ նիստին հայտարարեց «Լուսավոր Հայաստան» խմբակցության քարտուղար Գևորգ Գորգիսյանը՝ արձագանքելով ԱԺ նախագահ Արարատ Միրզոյանի հայտարարությանը։ վերջինս նշել էր, որ եթե ԼՀԿ-ն վերադարձել է նիստերի դահլիճ, ապա գտնում է, որ տեղի ունեցածը դատապարտվել ու կլինի քաղաքական գնահատական, որը բավարարել է «Լուսավոր Հայաստանին»:
«Հարգելի՛ պարոն Միրզոյան, «Լուսավոր Հայաստանը» երբեք իր՝ դահլիճ վերադառնալը որևէ կերպ չի կապել ձեր դիրքորոշման հետ, և առավել ևս՝ Նիկոլ Փաշինյանի ելույթից հետո, հույս չի ունեցել, որ որևէ տարբերվող կարծիք ձեր խմբակցությունից կամ ձեր քաղաքական ուժից կարող է հնչել, սա ֆիքսենք»,-ասաց Գորգիսյանը։