Նիդեռլանդներում մարդը կորոնավիրուսով վարակվել է նորկա կենդանուց
Հոլանդացի գիտնականները չեն բացառում, որ կորոնավիրուսի ինֆեկցիան մարդուն կարող է փոխանցվել նաև նորկայից։ Այս մասին տեղեկանում ենք Ntv.ru կայքից։
Ավելի վաղ հայտնի դարձավ, որ Նիդեռլանդներում նորկաների մի շարք ֆերմաներում հայտնաբերվել է կորոնավիրուս, որից հետո իշխանությունները հանձնարարել են ուսումնասիրել։ Ուսումնասիրություններից հետո պարզ է դարձել, որ ֆերմերներից մեկը կորոնավիրուսով վարակվել է հենց կենդանիներից։
Նշվում է, որ սա Նիդեռլանդներում առաջին դեպքն է, որ վիրուսը կենդանուց անցնում է մարդուն։