Դնող դմփցնող ու հագցնող վարչապետը
Վարչապետ Նիկոլ Փաշինյանն այսօր հերթական ֆեյսբուքյան ուղիղ եթերն էր մտել:Առաջին մի քանի րոպեները վարչապետը նվիրեց կորոնավիրուսի վարակման տեմպերի մասին ահագնացող թվերին:
Պարետատունը, պարետը չեն կարողանում այլևս իրավիճակը վերահսկել, Առողջապահության նախարար Արսեն Թորոսյանը խոսում է թվերի աճի մասին, բայց, մինևնույնն է, ժողովուրդը` Պողոսը, չի կարողանում պահպանել ընդամենը երեք պարզ կանոն՝ լվացվել, կրել դիմակ ու պահպանել սոցիալական հեռավորություն:
Ու հիմա հերթը վարչապետին է, քանի որ Հայաստանում համակարգերը չեն գործում ու նա իր գործունեությամբ ոչնչացրել է բոլոր համակարգերը, ստիպված է դառնալ և սանիտար, և նախարար, և պարետ, և խոսնակ և այլն:
Փաշինյանը որոշեց երկրորդել Առողջապահության նախարար Արսեն Թորոսյանին ու հնչեցնել վարակակիրների մինչև 30 հազար թիվը, եթե այս վիճակագրությունը պահպանվի, եթե ժողովուրդը կամ Պողոսը որոշի առանց դիմակ դնելու քիթը քթին տված խոսել:
Թվում էր, թե այս եթերը նվիրված է լինելու վիրուսին ու հասարակության զգոնության բարձրացմանը, բայց ահա վրա հասան հաջորդող րոպեները և կատարվեց այն, ինչը հերթական անգամ բոլորիս կանգնեցրեց երկընտրանքի առաջ՝ փաստորեն մենք ստախոսից բացի ունենք վարչապետ, որը իրեն թույլ է տալիս նաև ուղիղ եթերում ոչ միայն դոմփել, այլ նաև ձեռքի գործողությամբ դա ցույց տալ:
Հասկանալի է, որ գուցե Փաշինյանին հունից հանել է Միքայել Մինասյանն ու ծխախոտային սկանդալը, նա կորցրել է ինքնատիրապետումը, բայց որքան կարող է նա կորցնել ադեկվատությունը, որ ուղիղ եթերում դնի ու դոմփի:
Դնել դմփնելուց հետո պողոսներն ու հասարակության ադեկվատ հաստվածը պետք է լրջագույնս մտածի՝ արդյոք ցանկանում է բացարձակ իշխանությունը վստահել մի մարդու, որը դոմփում է ուղիղ եթերում կամ դնում հագցնում: Որոշելիքը այդ նույն հանրությանն է, ի վերջո, յուրաքանչյուրը արժանի է այն իշխանությանը, որին ընտրել է: Եթե ընտրել եք վարչապետ, որը ձեզ դոմփում է ու դնում հագցնում, ապա վայելեք…
NewsPress.am