Փչացածության աստիճանները՝ ըստ Նիկոլ Փաշինյանի
Արդեն մեկ շաբաթից ավել է ինչ Հայաստանի և Ռուսաստանի իրավապահները հայտնել են Հայաստանից Ռուսաստան տեղափոխված 40 տոննա մաքսանենգ ծխախոտի մասին, բացի այս, ևս մեկ ինքնաթիռ նմանատիպ բեռ էլ կալանվել է ՌԴ մեկ այլ քաղաքում՝ Վորոնեժում:
Սա հայ-ռուսական հարաբերությունների ներկայիս մակարդակի մասին խոսող ցցուն մի փաստ է, ինչը պետք է այս իշխանությանը տար անհանգստանալու շատ լուրջ առիթ, բայց ինչպես տեսնում ենք իշխանությունը որդեգրել է վրայից հերքելու, տակից՝ ուժային կառույցները անցանկալի մարդկանցից ազատվելու քաղաքականությունը:
Արդեն մի քանի օր է լրատվամիջոցները գրում են այն մասին, որ Ազգային անվտանգության ծառայությունում, Պետական եկամուտների կոմիտեում քննիչներ և այլ պաշտոնյաներ են ազատվում աշխատանից ու իշխանությունը գնում է կամ սեփական մարդուն այդ համակարգում ներդնելու, կամ համակարգի պորֆեսիոնալ, բայց ոչ իր մարդուն հեռացնելու ճանապարհով, ինչը աղետալի հետևանքներ է ունենալու նույն այդ կառույցների համար:
Այն, որ ուժայինները չեն վայելում Փաշինանի մոտ վստահություն, հայտնի է բոլորին:
Անվստահության պատճառով էր, որ վեց ամիս այդ կառույցները գլխավորեցին ժամանակավոր պաշտոնակատարներ և այդ ողջ ընթացքում պրոֆեսիոնալների արտահոսքը երկրում շարունակվեց:
Բայց եթե ուժային կառույցների կադրաթափությունը մինչև մաքսանենգ սիգարետի խմբաքանակի հայտնի պատմությունը դանդաղ տեմպերով էր ընթանում, ապա Միքայել Մինասյանի խոհանոցային ուղիղ եթերներից հետո սկսվել է նոր թափով:
Դրված է խնդիր րոպե առաջ ազատվել այն պաշտոնյաներից, որոնց գործողությունների հետրևանքով միջպետական սկանդալ է հասունանում, կամ որ ավելի ճիշտ է՝ հեռացնել այն պաշտոնյաներին, որոնք չեն կարողացել անել այնպես, որ ծխախոտն անաղմուկ հասնի իր վերջնակետ:
Բոլորս սպասում ենք վարչապետից պատասխաններ՝ ինչո՞ւ Հրաչյա Հակոբյանը, ինչո՞ւ Աննա Հակոբյանը և Նակոլկա Շուշոն հայտնվեցին այս պատմության կիզակետում, բայց պարզվում է, որ վարչապետը չի հերքում, որովհետև հոգնել է հերքելով: Չի հերքելու իրեն ու իր ընտանիքին բիզնեսի մեջ փայ մտնելու, մաքսանենգության սկանդալի մեջ մասնակից դառնալու մասին լուրերը ու դրանց մասին խոսելը կապում է խոսացողի փչացածության աստիճանի հետ, չնայած վարչապետը ոչ թե պետք է հերքեր, այլ 3 միլիոն վարչապետներին պետք է բացատրություն տար:
Հիմա նա առաջարկում է իր ընտանիքի մասին լուրեր տարածողների փչացածության աստիճանը չափել, իսկ հիմա հարց է առաջանում, այդ դեպքում ինչու չենք կարող նույն բանաձևը կիրառել նրա վրա ու հարցնել՝ իսկ երբ խոսում էր Սաշիկի 50/50-ի, օլիգարխ Սամվել Ալեքսանյանի, զանգով ու թալանով ապրող դատավորների, սերմացու գողացող մկների մասին, արդյոք այդ ժամանակ էլ իր փչացածության աստիճչանը չէ՞ր մեզ ցույց տալիս:
NewsPress.am