Երեխաների սեռական կողմնորոշումը ո՞րըս է. Ռուբեն Մելիքյանը՝ աղմուկ հանած կոնվենցիայի մասին
Մայիսի 8-ին Էդմոն Մարուքյանի վրա հարձակվելուց ու դիմացից, կողքից ու հետևից նրան բազմաթիվ հարվածներ հասցնելուց հետո՝ պարզվում է Ազգային ժողովը շարունակել է «աշխատանքը» և «քննարկել» «Սեռական շահագործումից և սեռական բնույթի բռնություններից երեխաների պաշտպանության մասին» Եվրոպայի խորհրդի կոնվենցիայիան (Լանզարոտեի կոնվենցիա), այսօր առավոտյան էլ արագի մեջ վավերացրեցին կոնվենցիան։ Այդ մասին ֆեյսբուքյան իր էջում գրել է իրավապաշտպան Ռուբեն Մելիքյանը։
«Երեխաներին սեռական բռնությունից պաշտպանությունը, իհարկե, լրջագույն խնդիր է, որի բարձր կարևորության ու առաջնահերթության մասով մեր հանրությունում առկա է լիարժեք կոնսենսուս։
Բայց, կներեք իհարկե, ի՞նչ է նշանակում Լանզերոտեի կոնվենցիայի 2-րդ հոդվածի այն դրույթը, որ պետք է «տուժածների իրավունքների պաշտպանության համար ձեռնարկվող միջոցառումներն իրականացվեն առանց խտրականության, այն է՝ անկախ սեռից, ռասայից, …, ՍԵՌԱԿԱՆ ԿՈՂՄՆՈՐՈՇՈՒՄԻՑ, առողջական վիճակից, հաշմանդամությունից կամ այլ դրությունից»:
ԵՐԵԽԱՆԵՐԻ սեռական կողմնորոշումը ո՞րըս է։ Ինչու՞ մինչև վավերացնելը լայն քննարկումներ չեք կազմակերպել»։