Ինչպես է ստացվում, որ այս երիտասարդ տարիքում կորցնում ես հիշողությունդ
Ազգային ժողովի «Իմ քայլը» խմբակցության շատուշատ պատգամավորներ դարձել են փորձանք այդ նույն խմբակցության ու քաղաքական թիմի ղեկավարների համար:
Վարչապետը ստիպված է լինում պարբերաբար իր բուծած կադրերի սխալ ձևակերպումներն ու երբմեն էլ աբսուրդի ժանրից հնչեցված խոսքերը սրբագրել: Այսօր նրա համար նման մի սրբագրում կատարելու առիթ ստեղծեց քայլարած Ռուբեն Ռուբինյանը:
Նա այսօր վարում էր Արտաքին հարաբերությունների հանձնաժոովի նիստը, որի նախագահն է, ու առիթը բաց չթողեց հերթական անգամ ինքնաարտահայտվելու, սակայն ոչ թե սեփական գիտելիքների և կարողությունների ցուցադրմամբ այլ ընդամենը նախկիններին հիշատակելով:
Թեև հանձնաժողովի նիստը Ռուբինյանը կարող էր օգտագործել Արցախի հարցի մասին իր այս ընթացքում սովորածը ցույց տալով, որ այդ հարցում բացարձակ դատարկ չերևա, սակայն նա նախընտրեց դեմքի լուրջ արտահայտությամբ դարձյալ խոսել Սերժ Սարգսյանի ժամանակ բանակցված փաստաթղթի մասին:
Ռուբինյանը նախկիններին հանգստացրեց, թե Սերժի ժամանակների ոչ մի փաստաթուղթ չի բանակցվում ու չի պատրաստվում ստորագրվել հիմա:
Հավանաբար Ռուբինյանը կամ լավ չգիտի Արցախյան հիմնախնդրի պատմությունն ու դրա շուրջ եղած բանակցված կամ չբանակցված փաստաթղթերի պատմությունը, կամ էլ հիշողության կորուստ ունի այդ երիտասարդ տարիքում, որովհետև Բրատիսլավայում Զոհրաբ Մնացականյանի ելույթը ծայրից ծայր կրկնում էր նախորդներին՝ Ռուբինյանի ասած նախագահի պաշտոնը զբաղեցնող Սերժ Սարգսյանին ու այն ժամանակվա արտգործնախարարին:
Երկու տարի այս իշխանությունը հայտարարեց, որ Արցախի հարցում ինքը սկսում է զրոյական կետից, բայց Զոհրաբ Մնացականյանը Բրատիսլավայում կարդաց այն, ինչը ժամանակին կարդում էր Սերժ Սարգսյանը ու ջարդեց թավշյա իշխանության զրոյական կետ ունենալու մասին միֆը:
Ու այսքանից հետո Ռուբեն Ռուբինյանը հայտարարում է, թե իրենք ունեն սկզբուքներ ու կարմիր գծեր, ու նախկիներին կոչ է անում հանգստության՝ ասածի տակ չունենալով որևէ հիմնավոր ապացույց:
Հարց, իր գործի բնույթը այդպես էլ չիմացող պաշտոնյային, ո՞րն է այս իշխանության սկզբունք ու կարմիր գիծը՝ չպատասխանել Լավրովի հայտարարությանը, որը հայ հասարակության համար բացահայտման էր նման, լեզուն կուլ տալ նման պատասխանատու պահերին, թե Արցախի ժողովրդին նախապատրաստել ադրբեջանցիների հետ համատեղ ապրելու ադրբեջանական ծրագրին:
Եթե հիմք ընդունենք այն պարզ ճշարտությունը, որ գործն է անմահ, ոչ թե խոսքը, ապա հստակ է, որ թավշյա իշխանությունը չունի ոչ սկզբունք, ոչ կարմիր գիծ, ոչ որևէ հստակ դիրքորոշում Արցախի հարցի բանակցությունների մասին:
Այս իշխանության համար մեկ Արցախը պետք է վերադառնա բանակցային սեղան, մեկ Արցախը Հայաստան է ու վերջ, մեկ Նիկոլը չի պատրաստվում բանակցել Արցախի փոխարեն ու այսպիսի շատ իրար հակասող մեկ-եր, որոնց այսօր ևս մեկը ավելացրեց Զոհրաբ Մնացականյանը:
Մինչև ամբողջ իշխանությունը անընդհատ պնդում է, որ Արցախի հարցի շուրջ ընթանում են ոչ թե բանակցություններ այլ կոնսուլտացիաներ, Զոհրաբ Մնացականյանը վստահ հայտարարում է, որ դրանք բանակցություններ են. ահա այսպիսի սկզբունքների մասին էր այսօր խոսում այս երիտասարդ տարիքում հշոությունը կորցրած Ռուբեն Ռուբինյանը:
NewsPress.am