Հերթական էժան PR-ը. այս անգամ` զոհերի հաշվին
Այսօր առավոտյան վարչապետ Նիկոլ Փաշինյանը նորից ուղիղ եթերում էր: Հերթական անգամ ինքնարտահայտման խնդիր էր դրել իր առաջ ու որպես թեմա ընտել Հայոց Ցեղասպանության 105-րդ տարելիցը:
Պարզվում է մինչև հիմա մենք հայերս ցեղասպանության տարելիցը երբեք էլ ճիշտ չենք նշել, պարզվում է նախկիններն այդ ողբերգության անվան տակ ատկատներ են արել ու լափել հարկատուներիս վճարած հարկերը ու միայն Փաշինյանի հեղափոխական իշխանությունն եկավ ու վերջ տվեց ատկատներին ու առաջին անգամ աննախադեպ դեպք արձանագրվեց. հավուր պատշաճի հարգեցինք1.5 միլիոն անմեղ հոգիների հիշատակը:
Այստեղ չեմ կարող Փաշինյանին չհարցնել, բա, եթե նախկիններն ատկատներով էին զբաղված, ինչո՞ւ 2019 թվականին Ցեղասպանության տարելիցը նշեցիր այնպես, ինչպես նախկինների ժամանակ ատկատավարի:
Այստեղ չեմ կարող Փաշինյանին չհարցնել, երկու տարվա ընթացքում քա՞նի ատկատ անող նախկին պաշտոնյա ես բանտ ուղարկել, էդ որ էդպես մեծ-մեծ խոսում ես, կարո՞ղ ես գոնե մեկ դատարանի վճիռ ցույց տալ, որը պատկանում է ապրիլքսանչորսյան միջոցառումները համակարգողներին ու կազմակերպիչներին:
Ի՞նչ տարբերություն, դու էլ նախկինների գործելաոճն ես շարունակում, ու եթե նախկինում այս կամ այն մշակութային գործչին ասպարեզ էր տալիս Ռիտա Սարգսյանը, հիմա այդ կուրացիան անում է կինդ. նա է որոշում, թե որ երգիչն ու երգչախումբը մաս կազմեն այս կամ այն պետական միջոցառմանը:
Հիմա, Նիկո՛լ, կամ պետք է ապացուցես, որ նախկինները լափել են այդ ողբերգության հիշատակի միջոցառումների փողերը ու դա ապացուցես դատարանի վճռով կամ հերթական անգամ զբաղվեցիր հերթական PR-ով, բայց այս անգամ 1.5 միլիոն անմեղ զոհերի հոգիների հաշվին:
NewsPress.am