Սորոսը պահանջում է, որ ներենք թուրքին
Երեկ ամբողջ հայ ազգը սգում էր 105 տարի առաջ թուրքի ձեռքով 1.5 միլիոն իր հայրենակցի ոչնչացումը: Ապրիլի 24-ն այն օրն է, որ արդեն 105 տարի ազգությամբ հայերիս մեջ վառում է վրեժի ու պահանջատիրության կրակը, սակայն պարզվում է մեր մեջ ապրում են մարդիկ, որոնք պատրաստ են ներել արնախում թուրքին. մի զարմացեք, նա հայ է, Արսեն Խառատյանը, հայտնի ազգագրագետ Հրանուշ Խառատյանի որդին:
Սորոսի բաշխած գրանտների հաշվին ապրող Արսեն Խառատյանը, որ արմատներ է գցել նաև Արցախում Մասիս Մայիլյանի տեսքով, հենց ապրիլի 24-ի օրն իր ֆեյսբուքյան էջում գրում է, որ ներել է թուրքին ու մի հատ էլ զարմանում է, որ այդ բարբաջանքի համար երեկվանից քարկոծվում է:
Մի կողմ թողնենք Արսենի բարոյական արժեհամակարգը. հղի կնոջ փորը ճղող ու երեխային աչքի առաջ սրախողխոխ անողին ներելով դա լավագույնս դրսևորվում է, ուզում եմ անդրադառնալ այն նպատակին, որի համար վարձատրվում է Խառատյանը:
Հենց այդ նպատակն է, որը վտանգավոր է, քանի որ սորոսականները ցանցային են գործում ու հատուկ տեխնոլոգիաների կիրառմամբ ցանցն են գցում միամիտ պողոսներին:
Բնավ էլ Արսեն Խառատյանը մարդասիրությունից դրդված չէ, որ ներում է թուրքերին, նա հետևում է Սորոսի կողմից տրված հրահանգին այն է հասնել ներման, թուլացման, ինչն էլ իր նպաստավոր պայմանը կստեղծի թուրքի ու ադրբեջանցու համար Հայաստանը նվաճելու ու պանթուրքական իրենց երբեմնի երազանքն իրականացնելու համար:
Սա սորոսականի ներման մասին գրառում չէ, սա հատուկ մշակված քաղաքականություն է, որը հանդիսանում է եկեղեցին, արցախյան ազատամարտի հերոսներին նվաստացնելու շարունակությունը:
Այս ներման խոսքն ուղղված է ոչ թե թուրքին, այլ մեր ներքին լսարանին:. Արսենն այսպես տրամադրություններ է ստուգում, սորոսականների հետ հետագա ռազմավարությունը մշակելու համար, դա է պատճառը, որ օրհասական է դառնում սորոսական բոլոր գրասենյակների փակումը Հայաստանում:
NewsPress.am