Հայ-թուրքական սահմանին հսկա Եռագույն է տեղադրվել (տեսանյութ)
Հայոց ցեղասպանության 105-րդ տարելիցի օրը հայ-թուրքական սահմանին՝ պատմական Անի մայրաքաղաքին շատ մոտ, 21 մետր բարձրության վրա վեր է խոյացել Հայոց եռագույնը:
Տեղադրվել է նաև քահանայի ձեռամբ օծված խաչքար:
«Այսօր հայ-թուրքական սահմանի այս կողմում՝ Ախուրյանի ձախ ափին վեր բարձրացվեց Հայաստանի Հանրապետության հսկա դրոշը, որը շատ լավ տեսանելի է Անի մայրաքաղաքից։
Մենք շատ ենք տեսել հուշարձաններ, խաչեր, որ տեղադրվում են բլուրների վրա՝ ի հիշատակ զոհերի, ի փառս հաղթանակների կամ այլ նպատակներով, որոնք տեսանելի են հեռվից, նույնիսկ սահմանի հակառակ կողմից։
Բայց պետական խորհրդանիշները մինչ օրս պակաս ուշադրության են արժանացել։ Ի վերջո, հենց այսօրվա պետությունն է մեր գոյության ու պաշտպանվածության երաշխավորը։ Դրոշը իհարկե զուտ խորհրդանիշ է, բայց դա է մեզ հիշեցնում, որ մենք ոչ թե պարզապես արյունակցական, կրոնական կապով կապված էթնոս ենք, ինչպիսիք հազարներով կան, այլ պետություն ենք։ Պետություն ունենալը մեծ պատիվ ու պարտավորվածություն պետք է լինի մեր ազգի համար։
Միմիայն պետությանը օգնելու ու հզորացնելու արդյունքում կարող ենք լինել լսելի, հարգված, քաշ ունեցող ժողովուրդ, ում հետ հաշվի են նստելու։ Սա է ճանապարհը»,- գրել է Գևորգ Բարսեղյանը՝ ֆեյսբուքյան իր էջում։