Սամասուդ արեք. իշխանությունը փախչում է ձեր ոտքերի տակից
Մարդկանց պատերին ծեփելուց ու թաթիկները կտրելուց, սերմացու գողացող մկներ անվանելուց հետո երեկ էլ Փաշինյան Նիկոլն ի լուր ՀՀ հպարտ քաղաքացիների ասաց, որ հիմա էլ գնալու է մարդկանց իրենց տներից հանելու ու սամասուդ անելու ճանապարհով:
Նիկոլ Փաշինյանը հերթական անգամ երկրի ղեկավարին ոչ հարիր բառապաշարով դիմեց քաղաքացիներին ու իր տապալված իշխանությունը կորցնելու վախից դրդված սպառնաց:
Փաշինյանը չի նկատել կամ դիտավորյալ չի ցանկանում նկատել, որ այդ սպառնալիքները այևս որևէ մեկին հետաքրքիր չեն, որովհետև որևէ մեկը դրանց հետ էլ հույսեր չի կապում:
3 միլիոն ժողովրդի վարչապետի նախկին ելույթները նախկինում առաջացնում էին ոմանց ոգևորությունը, նրանց հոգում վառ պահում վրեժխնդրության զգացումը, բայց հիմա դա այլևս այդպես չէ:
Չկա ոչ միայն էյֆորիան այլ նաև դրա հետ ծնված սպասման ալիքը: Հիմա բոլորի ցավերը իմ ցավերն են, բոլորի խնդիրներն իմ հոգում են փաշինյանական խոստումներից ու սպառնալիքներից զատ իրականության մեջ որևէ ռեալ բան չկա:
Չկա, որովհետև իշխանությունը չկարողացավ այդ սպասելիքները սպասարկել, ինչի համար լուրջ կարողություններ են պետք: Իշխանությունը մտածեց, որ միայն պոպուլիզմը հերիք է ժողովրդին կերակրելու համար. մտածեց ու սխալվեց և հիմա իշխանությունը փախչում է ոտքերի տակից, իսկ դրա համար գործի է դրվել տեսարաններ ապահովող մեքենան, որը վարում է հենց Փաշինյանը:
Մի կողմ դնենք այն, որ Հանրային հեռուստաընկերությունից արտահոսած կադրերը կարող են և իշախանության ձեռամբ արտահոսել՝ Վեհափառի շուրջ աղմուկը ցրելու համար:
Եթե դա այդպես է, ապա՝ ստացվեց, որովհետև շաբաթ օրվանից Վեհափառի հարցը չի քննարկվում և ամբողջ ֆեյսբուքյան տիրույթը լցված է Հ1-ի և նրա ղեկավար կազմի ու վարչապետի հազի մասին կադրերով: Խնդիրն այստեղ ավելի խորքային է՝ հերթական աղմուկը վարչապետն օգտագործում է դարձյալ նախկիններին, լրատվամիջոցներին թիրախավորելու համար, սա նրա համար հերթական առիթն էր՝ արդեն անիմաստ դարձած բառակապակցություններ շռայլելու համար:
Եթե կորոնավիրուսի համաճարակը ստիպել էր վարչապետին գոնե առժամանակ լռել ու զբաղվել գործով, իսկ նախկիններն այս օրերին ոչ միայն չեն քննադատում Նիկոլին այլ, ով ինչով կարողանում են օգնություն են առաջարկում կառավարության տնտեսական քաղաքականության անիվն առաջ գլորել:
Փաշինյանի ուղիղ եթերից արտահոսած կադրերը ցրեցին այս համեմատաբար խաղաղ իրավիճակը և տեղի տվեցին սամասուդին, այնպես որ, սպասում ենք սամասուդի կադրերին:
NewsPress.am