500.000-ը քեզ չի՞ բավականացնում՝ զբաղվի՛ր քո սիրելի զբաղմունքով՝ քթփորությամբ. Արիանա Հովսեփյան
Լավ քայլելու հաշվին կարիերայի թռիչքային աճ ապահոված ու իր աշխատանքային կենսագրությունն Ազգային ժողովում միանգամից որպես պատգամավոր սկսած, հեղափոխություն ասվածից հետո փոխնախագահ կարգված Լենա Նազարյանը դեմ է, որ նախարաներն իրենց գոյությունը քարշ տան 500 000 դրամով:
Հասկանում ենք, որ կյանքում երբեք սեփական գիտելիքով ու քրտինքով այդքան չաշխատած ու բախտի բերմամբ պատգամավոր դարձած կնոջ համար միանգամից
500 000 դրամանոց աշխատավարձը գուցե ոչինչ թվա, բայց հավատացեք, այն շատ էլ բարձր աշխատավարձ է պետական համակարգում 70 հազար դրամով տարիներով քաղծառայող աշխատած ու տոտիկ-տոտիկ այդ համակարգում կարիերային աճ ունեցած մասնագետների համար:
Իհարկե, Լենա Նազարյանը չի էլ կարող պատկերացնել, թե մարդիկ ինչպես են տարիներով աշխատում այս կամ այն համակարգում, ստանում 120 հազար դրամ ու իրենց ուսերի վրա այդ գումարով կրում պետական համակարգի ամբողջ ծանրությունն ու կայացնում այդ համակարգերը:
Լենան դա չի հասկանա, որովհետև որևէ բան չի կայացրել իր կյանքում, անգամ ինքն իրեն:
Նման բաները խորթ են թվում այս կնոջը, ում համար ամեն ինչ սկսվել և ավարտվել է միայն քայլելով և բողոքի ակցիաներ անելով:
Լենան չի կարող ապրել 500 000 դրամով, որովհետև նա միանգամից ստացել է ամեն ինչ և որ ցավալի է, ստացել է իր ոչ պրոֆեսիոնալիզմի ու ոչ կոմպետետության հաշվին, ստացել է ոչ միայն ինքը, այլ նաև ամուսինը, ով կնոջ քայլելու հաշվին կարողացավ նշանակվել Պետական գույքի կոմիտեի ղեկավար:
Բայց ի տարբերություն ամուսնու, որ գիտակցում է՝ քանի բախտն օդից ընկել է ձեռքը, ավելի լավ է ծպտվել ու վայելել բախտի տված հաճույքները, Լենա Նազարյանը դա չի հասկանում: Այս կինն ինչպես չստացված պատգամավոր էր, այնպես էլ շարունակում է մնալ Ազգային ժողովի չստացված փոխնախագահ ու ֆեյսբուքյան ստատուսչի:
Չկա մի գրառում, որտեղ Լենա Նազարյանն ի ցույց չդնի իր դատարկությունը, որն էլ ավելի է սրում նրա նկատմամբ հանրության մեջ առկա, մեղմ ասած, դժգոհությունը: Հենց այստեղ է, որ Լենային պետք է խորհուրդ տանք հետևել ամուսնուն ու ծպտվել, չարտահայտվել ֆեյսբուքում հարցերի մասին, որոնք իր գիտակցությանը հասու չեն:
Ավելորդ քննադատությունից խուսափելու համար, եթե իրեն 500, 000 դրամը չի բավականացնում, ապա խորհուրդ ենք տալիս նստել ու զբաղվել իր սիրած գործով՝ քթփորությամբ և դա անել ոչ ուղիղ եթերներում և հանրության աչքից շատ հեռու:
NewsPress.am-ի հիմնադիր Արիանա Հովսեփյան