Ժամը 15։00-ին պատվիրված սնունդը բերեցին գիշերը 01։10-ին. ե՞րբ է բիզնեսը հոգատար լինելու իր պատվիրատուի հանդեպ. Թևան Պողոսյան
«Մարդկային զարգացման միջազգային կենտրոն» ՀԿ նախագահ, ՀՀ նախագահի խորհրդական Թևան Պողոսյանը ֆեյսբուքյան իր էջում գրել է.
«Ասում են` օնլայն պատվիրեք, նույնիսկ մթերքը։ Դե ինչ, այդպես էլ արեցի այսօր (արդեն երեկ). ՍԱՍ-ից։ ժամը 15:00-ին էր, վճարս միանգամից քարտիցս տարավ։ Նշված էր, որ 20:30-21:30 արանքում տեղ կհասցնեն։ Ժամը 22:30 ասացին, որ պատվերը հավաքված է, բայց խիստ ծանրաբեռնվածությունը խնդրեցին հաշվի առնենք, իրենց դրության մեջ մտնենք, ... բայց այսօրվա մեջ տեղ կհասցնեն անպայման։ 23:35 զանգեցին ներողություն խնդրեցին, որ մեր պատվիրված մի ապրանքից չունեն, կարող են` այլ ապրանքով փոխարինեն։ Բերեցին օրն արտված օրն ավարտված, կամ հաջորդը սկսված 01:10 ժամին։ Երկու սուտ արդեն ասեցին, որ պատվերը հավաքել եէ, և որ նույն օրվա ընթացքում ուշացումով կհասցնեն։
Խնդիրը լիակատար այլ է՝ պատվերը մթերք է, սնունդ, իսկ ինչ, եթե որևէ մեկը սննդի կարիք ուներ իրականում, կամ երբ է բիզնեսը նույնպես հասկանալու ու հոգատար լինելու իր պատվիրատուների հանդեպ։
Մեզ այսօր հոգատարություն է պետք ու պատասխանատվություն, գոնե մի ստեք ու ազնիվ հաղորդակցվեք»։