Փոխարինիչ պետք չէ, լրջանալ է պետք, պարոնայք
Ես միշտ Էկոնոմիկայի նախարարի Տիգրան Խաչատրյանին համարել եմ խելացի, պրոֆեսիոնալ և իր գործին տիրապետող մարդ:
Ավելին, միշտ կարծել եմ, որ նրա և ևս մի քանի այլ նախարարների շնորհիվ է, որ այս կառավարությունն իր ոչ կոմպետենտ անդամներով չի տապալում պետական կառավարումը, բայց այսօր Տիգրան Խաչատրյանն ասաց մի բան, որն իրենց կարող են թույլ տալ օրինակ Երևանի ավագանու կամ Աժ-ի քայլարածները, քանի որ իմաստից զուրկ մտքերը շաղ տալը նրանց գործն է:
Եվ այսպես, նախարարն ասում է, որ կարող ենք հնդկաձավարի և բրնձի թանկացման ժամանակ դրանց փոխարինիչներն օգտագործել:
Պատկերացնո՞ւմ եք, եթե վաղն էլ նախարարին հարցնեն, թե կաթնամթերքն ու հացը թանկացել է, ի՞նչ անենք, նախարարը դարձյալ կոչ է անելու փոխարինիչներն օգտագործել:
Սա արտակարգ դրության պայմաներում գտնվող երկրի նախարարի կոչն է արտակարգ պայմաններում ապրող ժողովրդին, որի մոտ այս անենը ծիծաղ է առաջացնում, քանի որ ամեն օր թանակցումների ծանր բեռն իրենց կաշվի վրա զգում ու կքած այդ բեռը տանում են:
Նախարարն ու կառավարությունն առհասարակ պետք է 24-ժամյա ռեժիմով աշխատեն, որ օլիգարխները չօգտվեն ստեղծված իրավիճակից ու մեկին տասը թանկացրած ապրանքներով չքերթեն ՀՀ հպարտ քաղաքացիներին ու հետո էլ այդ քերթած փողերը նվիրեն հիմնադրամներին դառնալով Նիկոլի աչքի լույսը:
Այսօր Տիգրան Խաչատրյանի արձագանքը համատարած թանկացումներին պետք է այլ լիներ, նա էլ իր հերթին պետք է օլիգարխներին թափ տար, ու քանի որ քնած է նաև ՏՄՊՊՀ-ն, ապա այդ կառույցին՝ ևս:
Բայց ի՞նչ արեց նախարարը, ընդամենը կոչ արեց օգտվել փոխարինիչներից: Հետաքրքիր է, արդյոք ՀՀ կառավարությունում բոլոր լուրջ մարտահրավերներին են այսպես անլրջությամբ մոտենո՞ւմ. թերևս հենց այսպես էլ կա՛, և դա է պատճառը, որ կորոնավիրուսի վարակակիրների քանակով Հայաստանը տարածաշրջանում երկրորդ տեղում է: Ա
յստեղ է, որ պետք է ոչ թե կոչ անել, այլ պարզապես պահանջել. լրջացե՛ք պարոնայք, քանի չենք կոտորվել:
NewsPress.am