Այ Մաճաճ, Վստրեչի Ապերի տանը քեզ լավ տղու տե՞ղ էիր դրել
Արդեն մի քանի օր է՝ համացանցը ողողվել է «Վստրեչի Ապեր» անունով հայտնի՝ Արամ Վարդանյանի տան խուզարկության մասին տեսանյութերով։
Ես չեմ ուզում նորից անդրադառնալ այն վայրագությանը, որը ցուցաբերվել է Արամ Վարդանյանի ընտանիքի նկատմամբ՝ ոստիկանների կողմից։ Միայն նրանց համար, ովքեր չգիտեն, հիշեցնեմ, որ Վարդանյանի տուն ներխուժած դիմակավորները ատրճանակ են պահել նրա թոռնուհու վրա, ինչի հետևանքով փոքրիկը վախեցել էր ու չէր կարողանում խոսել։
Ուզում եմ անդրադառնալ ևս մի դրվագի, որը հնարավոր է շատերի աչքից է վրիպել։ Խոսքը Երևան քաղաքի վարչության քրեական հետախուզության բաժնի պետ Կարեն Գրիգորյանի պահվածքի մասին է։
Այս նախկին երիտասարդին, ով հայտնի է «Մաճաճ» մականունով, նախկին ոստիկանապետ Վալերիյ Օսիպյանը հեռացրել էր պաշտոնից։ Հիմա չենք քննարկում ինչպես, ինչ ճանապարհով ու որ արժանիքների համար, ոստիկանապետի նոր պաշտոնակատար Արման Սարգսյանը նրան բերել ու նշանակել է քրեական հետախուզության բաժնի պետ։
Հիմա ասածս ո՞րն է՝ այս Մաճաճ անունով «գաճաճը», Վստրեչի Ապերի տուն մտած ժամանակ լկտի պահվածք է ցուցաբերել, ու, երևի իրեն «լավ տղա» պատկերացնելով, հանել է ծխախոտն ու սկսել ծխել․․․
Ա՛յ Մաճաճ, դու քեզ ո՞ւմ տեղն ես դրել, որ Ապերի կնոջ ու երեխայի ներկայությամբ, նրանց տան մեջ, առանց նրանց կարծիքը հաշվի առնելու, ծխել ես։ Դու քո կնոջ ու երեխայի մոտ ծխո՞ւմ ես, այ անտակտ։ Ու ընդհանրապես՝ դու գործի՞ մեջ էիր, թե՞ «կայֆերի»․ մտածում ես՝ «լավ տղա՞» ես, որ կարողանում ես քեզ թույլ տալ Ապերի տանը հանգիստ ծխել։ Երևի մանկությանդ երազանքն էր, չէ՞, մտնեիր Ապերի տուն, ու քեզ «լավ տղու» տեղ դնեիր, թե՞ քեզ Շերլոկ Հոլմսի տեղն էիր դրել․․․
Դե եթե տենց լավ «Շերլոկ Հոլմս» ես, արդեն մի շաբաթ է, ինչ հայտարարություն եմ տվել, մեքենաս ջարդել-փախել են, բա գտիր, ինչո՞ւ չես գտնում, թե՞ իրական հետախուզությունն ու իրական խուլիգան-հանցագործներին հայտնաբերելն ու պատժելը քոնը չեն։
Ու ընդհանրապես, ի՞նչ էր ոստիկանների վիճակը։ Մտել եմ բաժանմունք, բոլորը անփույթ «գցած» էին, խոսում ես՝ ծամոնները բերաններին պատասխանում են․ էս ի՞նչ «բարդակ» վիճակ է։
Չնայած ինչի՞ եմ զարմանում․ եթե մայրաքաղաքի վարչության քրեական հետախուզության բաժնի պետը Մաճաճ լինի, երկրի վիճակն էլ բարդակ կլինի․․․
Արիանա Հովսեփյան
NEWSPRESS.am-ի հիմնադիր-տնօրեն