Առողջապահության նախարարի հետ դիալոգ չի ստացվում. ՁԻԱՀ կանխարգելման կենտրոնի աշխատակիցների բողոքի ակցիան (տեսանյութ)
«ՁԻԱՀ կանխարգելման կենտրոն»-ի աշխատակիցները հանդիպում են պահանջում վարչապետ Նիկոլ Փաշինյանի հետ: Նրանք ուզում են առձեռն հանձնել իրենց նամակը վարչապետին ու քննարկել պատկան մարմինների հետ «ՁԻԱՀ-ի կանխարգելման կենտրոնը» «ՆՈՐՔ» ինֆեկցիոն հիվանդանոցին միացնելու որոշմումը:
«Խնդրում ենք քննարկում կազմակերպել, որ կարողանանք վարչապետին ներկայացնել խնդիրը: Մտավախություն ունենք, որ իրեն ճիշտ չի ներկայացվել խնդիրը: Խնդրում ենք ընդունել մեզ, լսել մեր կարծիքը, իմանալ բոլոր հնարավոր վտանգների մասին»,- ասաց ՁԻԱՀ-ի կանխարգելման կենտրոնի աշխատակիցներից մեկը:
Նրանց համոզմամբ, Առողջապահության նախարարությունը միանձնյա որոշում է կայացրել և նրա հետ երկխոսություն չի ստացվել:
«Այստեղ քաղաքական շահարկումներ չեն կարող լինել, մենք պահանջում ենք առողջ քննարկում վարչապետի հետ»:
Հիշեցնենք՝ երեկ ոստիկանությունը բերման էր ենթարկվել կենտրոնի փոխտնօրեն Արամ Հակոբյանին։ Վերջինս ազատ արձակվելուց հետո ասել էր, որ իրեն բերման էին ենթարկել ինքնիրավչություն կատարելու կասկածանքով, սակայն չկա իր պաշտոնից բխող մի գործողություն, որն ինքը չի կատարել։
Մանրամասները՝ տեսանյութում